ຫວຽດນາມໃຫ້ຄຳໝັ້ນສັນຍາຕ້ານການກໍ່ການຮ້າຍບົນພື້ນຖານປະຕິບັດຕາມກົດບັດ ສປຊ ແລະ ກົດໝາຍສາກົນ
(VOVWORLD) -ວັນທີ 24 ສິງຫາ, ສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມທາງອອນລາຍເພື່ອຮັບຟັງບົດລາຍງານຄັ້ງທີ 11 ຂອງທ່ານເລຂາທິການໃຫຍ່ ສປຊ ກ່ຽວກັບຄວາມສ່ຽງກໍ່ການຮ້າຍຈາກບັນດາ ອົງການລັດອິດສະລາມ (IS) ອ້າງຊື່ເອງທີ່ ນາບຂູ່ສັນຕິພາບ, ຄວາມໝັ້ນຄົງສາກົນ.
 ທ່ານ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ: TTXVN) |
ທີ່ກອງປະຊຸມ, ທ່ານ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ, ໄດ້ຢັ້ງຢືນວ່າ ຫວຽດນາມກ່າວປະນາມລັດທິການກໍ່ການຮ້າຍໃນທຸກໆຮູບແບບ ແລະ ສະເໜີໃຫ້ບັນດາປະເທດ ເພີ່ມທະວີການຮ່ວມມື, ແບ່ງປັນຂໍ້ມູນຂ່າວສານກ່ຽວກັບການຄຸ້ມຄອງເຂດຊາຍແດນ, ຄວບຄຸມບັນດາຄວາມສ່ຽງບຸກໂຈມຕີ, ອຸປະຖຳການກໍ່ການຮ້າຍ; ທ່ານກໍ່ເນັ້ນໜັກວ່າ ຕ້ອງແກ້ໄຂຄວາມສ່ຽງກໍ່ການຮ້າຍຢ່າງຮອບດ້ານ, ລົບລ້າງບັນດາເງື່ອນໄຂສະດວກໃຫ້ແກ່ການກໍ່ການຮ້າຍ, ສ້າງເງື່ອນໄຂພັດທະນາເສດຖະກິດ, ແກ້ໄຂການປະທະກັນ, ສ້າງສະພາບແວດລ້ອມສັງຄົມທີ່ມີຄວາມສະເໝີພາບ, ສາມັກຄີ ແລະ ມີຄວາມສາມາດຕ້ານຄືນຄວາມສ່ຽງຫົວຮຸນແຮງ ແລະ ກໍ່ການຮ້າຍ. ຫວຽດນາມໃຫ້ຄຳໝັ້ນສັນຍາຕ້ານການກໍ່ການຮ້າຍບົນພື້ນຖານກົດບັດ ສປຊ ແລະ ກົດໝາຍສາກົນ.