(vovworld) – ​ ກອງ​ປະຊຸມ​ແຫ່ງ​ຊາດ “ສຸຂະພາບ​” ຄັ້ງ​ທີ 3 ​ໂດຍ​ກະຊວງ​ກະສິກຳ ​ແລະ ພັດທະນາ​ຊົນນະ​ບົດ, ກະຊວງ​ສາທາລະນະ​ສຸກ ຈັດ​ຕັ້ງ​ໃນ​ວັນ​ທີ 3/2, ຢູ່​ຮ່າ​ໂນ້ຍ ​ເພື່ອ​ແນ​ໃສ່​ອັບ​ເດັດ​ສະພາບ​ການ, ຕີ​ລາຄາ​ສະຫລຸບ​ບັນດາ​ໄພພິບັດ​ທີ່​ກ່ຽວຂ້ອງ​ເຖິງ​ໂລກລະບາດ​ທີ່​ພວມ​ແຜ່​ລາມ​ອອກ​ທັງ​ຢູ່​ພາຍ​ໃນ​ ແລະ ຕ່າງປະ​ເທດ ສຳລັບມະນຸດ-​ສັດ-​ສິ່ງ​ແວດ​ລ້ອມ, ຄວາມ ມານະ​ພະຍາຍາມ​ປ້ອງ​ກັນ, ຕ້ານ, ກະ​ກຽ​ມ, ຄົ້ນ​ພົບ ​ແລະ ຮັບ​ມື​ກັບ​ບັນ​ດາ​ໄພພິບັດ​ນີ້. ຕາມ​ທ່ານ​ລັດຖະມົນຕີ​ຊ່ວຍ​ວ່າການ​ກະຊວງ​ກະສິກຳ ​ແລະ ພັດທະນາ​ຊົນນະ​ບົດ ຫວູວັນ​ຕ໋າມ ​ແລ້ວ, ​ໃນ​ໄລ​ຍະ​ຜ່ານ​ມາດ້ວຍ​ການ​ໜູນ​ຊ່ວຍ​ຢ່າງ​ຕັ້ງໜ້າ​ຂອງ​ປະຊາ​ຄົມ​ສາກົນ, ຫວຽດນາມ ​ໄດ້​ສະຫງວນ​ບັນດາ​ຄວາ​ມມານະ​ພະຍາຍາມ​ສູງ​ສຸດ ສົມທົບ​​ກັບ​ບັນດາ​ປະ​ເທດ​ໃນ​ພາກ​ພື້ນ ​ແລະ ​ໃນ​ໂລກ, ​ເພື່ອ​ສະກັດ​ກັ້ນບໍ່​ໃຫ້​ໂລກລະບາດເກີດ​ຂຶ້ນ​ຍ້ອນ​ໄຂ້ຫວັດ ສັດ​ປີກ H5N1. ພ້ອມ​ກັບ​ຄວາມ​ມານະ​ພະຍາຍາມ​ປ້ອງ​ກັນ, ຕ້ານ​ໄຂ້ ຫວັດສັດ​ປີກ ​ເຊິ່ງດຳ​ເນີນ​ໃນ​ຫຼາຍ​ປີຜ່ານມາ, ບັນດາ​ການ​ເຄື່ອນ​ໄຫວ​ຂອງ​ຄູ່​ຮ່ວມ​ມື​ໄດ້​ເປີດ​ກ້ວາງ​ກອງ​ປະຊຸມ​ສຳ​ມະ​ນາ​ຕາມ​ທິດ​ແກ້​ໄຂ​ບັນດາ​ໄພພິບັດ​ຈາກພະຍາດຕິດ​ແປດ. ທ່ານ​ລັດຖະມົນຕີ​ຊ່ວຍ​ວ່າການ​ກະຊວງ​ກະສິກຳ ​ແລະ ພັດທະນາ​ຊົນນະ​ບົດ ຫວູວັນ​ຕ໋າມ ກໍ່​ຖື​ວ່າ: ​ໃນ​ບໍ່​ວ່າ​ ສະພາບ​ການ​ໃດ ຫວຽດນາມ ກໍ່ຕ້ອງ​ມີ​ຄຳ​ໝັ້ນ​ສັນຍາ​​​​ປ້ອງ​ກັນ, ຕ້ານ​ພະຍາດຕິດ​ແປດຢູ່​ຄົນ ​ແລະ ສັດ ໃນ​ໄລຍະ​ຍາວ​ ​.