ທິມຊາດ​ແຫ່ງ​ຊາດ ຫວຽດນາມ​ທີ່​ເຂົ້າ​ຮ່ວມ
 Olympic ​ເຄມີ​ສາດ​ສາກົນ 2016

(vovworld) - ທິມຊາດ​ແຫ່ງ​ຊາດ ຫວຽດນາມ​ທີ່​ເຂົ້າ​ຮ່ວມ Olympic ​ເຄມີ​ສາດ​ສາກົນ 2016 ຢູ່ Gruzia ​ໄດ້​ຮັບ 2 ຫຼຽນ​ຄຳ ​ແລະ 1 ຫຼຽນ​ເງິນ. ນັກຮຽນ​ສອງ​ຄົນ​ໄດ້​ຮັບ​ຫຼຽນ​ຄຳ​ນັ້ນ​ແມ່ນທ້າວ ດິງກວາງ​ຫ໋ຽວ, ນັກຮຽນ​ ມ 6, ​ໂຮງຮຽນ​ມັດທະຍົມ​ຕອນ​ປ່າຍ​ລົງ​ເລິກ​ວິຊາ​ວິທະຍາສາດ ທຳ​ມະ​ຊາດ, ມະຫາວິທະຍາ​ໄລ​ແຫ່ງ​ຊາດ ຮ່າ​ໂນ້ຍ ​ແລະ ທ້າວ ຫງວຽນ​​ແຄ໋ງຢູຍ, ນັກຮຽນ​ ມ7, ​ໂຮງຮຽນ​ມັດທະຍົມ​ຕອນ​ປ່າຍ​ລົງ​ເລິກ ລາມ​ເຊີນ, ​ແຂວງ ​ແທງ​ຮ໋ວາ. ນັກຮຽນ​ໄດ້​ຮັບ​ຫຼຽນ​ເງິນ​ແມ່ນທ້າວ ຫງວຽນ​ແທ່ງ​ຈູງ, ນັກຮຽນ​ ມັດທະຍົມ​ຕອນ​ປ່າຍ​ລົງ​ເລິກ​ ​ເລ​ຮົ່ງຟອງ, ​ແຂວງ ນາມ​ດິ້ງ. ກະຊວງ​ສຶກສາ ​ແລະ ກໍ່ສ້າງ ຈະ​ຕ້ອນຮັບ​ຄະນະ ​ແລະ ອວຍພອນ​ຜົນງານ​ຂອງ​ຄະນະ​ເຂົ້າ​ຮ່ວມ Olympic ​ເຄມີ​ສາດ​ສາກົນ 2016 ຢູ່​ສະໜາມ​ບິນ​ສາກົນ ​ໂນ້ຍບ່າຍ, ​ໃນ​ຕອນ​ເຊົ້າ​ວັນ​ທີ 2/8.

        Olympic ​ເຄມີ​ສາດ​ສາກົນ 2016 ຄັ້ງ​ທີ 48 ຖືກ​ຈັດ​ຕັ້ງ​ຢູ່​ນະຄອນຫຼວງ Tbilisi, Gruzia. ​​ໃນ​ການ​ສອບ​ເສ​ງປີ​ນີ້​ມີ 75 ປະ​ເທດ ​ແລະ ​ເຂດ​ແຄວ້ນ​ເຂົ້າ​ຮ່ວມ.