ຫວຽດນາມໄດ້ຮັບການເລືອກຕັ້ງເຂົ້າເປັນສະມາຊິກ ສະພາບໍລິຫານງານ ອົງການສປຊ ກ່ຽວກັບຄວາມສະເໝີພາບລະຫວ່າງ ຍິງ - ຊາຍ ແລະ ການມອບສິດໃຫ້ແກ່ແມ່ຍິງ ອາຍຸການ 2025 - 2027
(VOVWORLD) - ວັນທີ 9 ເມສາ, ຕາມເວລາທ້ອງຖິ່ນ ຢູ່ອາເມລິກາ, ສະພາເສດຖະກິດສັງຄົມ ສປຊ (ECOSOC) ໄດ້ເລືອກເອົາ ຫວຽດນາມ ເຂົ້າເປັນສະມາຊິກ ສະພາບໍລິຫານ ອົງການສປຊ ກ່ຽວກັບຄວາມສະເໝີພາບລະຫວ່າງ ຍິງ - ຊາຍ ແລະ ການມອບສິດໃຫ້ແກ່ແມ່ຍິງ (UN Women)ອາຍຸການ 2025 - 2027.
 ກອງປະຊຸມເລືອກຕັ້ງສະມາຊິກ ສະພາບໍລິຫານງານ ອົງການສປຊ ກ່ຽວກັບຄວາມສະເໝີພາບລະຫວ່າງ ຍິງ - ຊາຍ ແລະ ການມອບສິດໃຫ້ແກ່ແມ່ຍິງ ອາຍຸການ 2025 - 2027 |
ດ້ວຍການເຂົ້າເປັນສະມາຊິກຂອງສະພາ, ນັບແຕ່ເດືອນມັງກອນປີ 2025 ຈົນຮອດໝົດປີ 2027, ຫວຽດນາມ ຈະເຂົ້າຮ່ວມການປະສານງານສ້າງ ແລະ ຜັນຂະຫຍາຍ ບັນດາຂໍ້ກຳນົດໃຫຍ່ຂອງ UN Women, ຮັບປະກັນບັນດາຍຸດທະສາດ ແລະ ການເຄື່ອນໄຫວຂອງອົງການນີ້ມີຄວາມສະເໝີຕົ້ນປະເໝີປາຍດ້ວຍບັນດາເປົ້າໝາຍ ແລະ ນະໂຍບາຍສັງລວມຂອງ ສປຊ ກ່ຽວກັບການຊຸກຍູ້ຄວາມສະເໝີພາບລະຫວ່າງຍິງ ຊາຍ ແລະ ການມອບສິດໃຫ້ແກ່ແມ່ຍິງ. ໂດຍແມ່ນສະມາຊິກຂອງ ສະພາ, ຫວຽດນາມ ກໍ່ຈະເຂົ້າຮ່ວມວິວັດການໃຫ້ສັດຕະຍາບັນ ບັນດາແຜນການ, ລາຍການເຄື່ອນໄຫວກໍ່ຄືບັນດາການກຳນົດກ່ຽວກັບການປະຕິບັດລະບຽບການບໍລິຫານ, ການເງິນ ແລະ ງົບປະມານຂອງ UN Women.