ທ່ານປ.ອ Kidong Park ຫົວໜ້າຜູ້ຕາງໜ້າ ອົງການອະນາໄມໂລກ (WHO) ປະຈຳ ຫວຽດນາມ (ພາບ: WHO)

ໃນວັນທີ 8 ສິງຫາ, ໃນສະພາບການໂລກລະບາດໂຄວິດ - 19 ພວມມີບັນດາການຜັນແປຢ່າງສັບສົນຄືປັດຈຸບັນ ຢູ່ໃນໂລກ ແລະ ຢູ່ ຫວຽດນາມ. ທ່ານປ.ອ Kidong Park ຫົວໜ້າຜູ້ຕາງໜ້າ ອົງການອະນາໄມໂລກ (WHO) ປະຈຳ ຫວຽດນາມ ໄດ້ຕອບສຳພາດຕໍ່ນັກຂ່າວຫວຽດນາມ ກ່ຽວກັບເຊື້ວໄວຣັດກາຍພັນ Delta ກໍ່ຄືປະສິດທິຜົນຂອງວັກຊິນຊະນິດຕ່າງໆກັບເຊື້ອໄວຣັດກາຍພັນນີ້.

ທ່ານ ປ.ອ Kidong Park ເນັ້ນໜັກເຖິງສານຂອງ WHO ແມ່ນຈະແຈ້ງທີ່ສຸດ, ນັ້ນແມ່ນທຸກຄົນຈົ່ງສັກວັກຊິນບໍ່ວ່າຊະນິດໃດ. ວັກຊິນຊ່ວຍປົກປ້ອງເຈົ້າ ແລະ ພວກຄົນຢູ່ອ້ອມຂ້າງເຈົ້າ. ວັກຊິນກໍ່ຈະຫຼຸດຄວາມສ່ຽງ ເຊື້ວໄວຣັດກາຍພັນ Delta ແຜ່ລະບາດໃນຊຸມຊົນ ແລະ ກໍ່ໃຫ້ເກີດບັນດາເຊື້ວໄວຣັດກາຍພັນໃໝ່. ທ່ານ ປ.ອ Kidong Parkຍົກໃຫ້ເຫັນຢ່າງຈະແຈ້ງວ່າ ວັກຊິນທຸກຊະນິດໂດຍ WHO ຮັບຮອງເອົາໃນບັນຊີລາຍຊື່ວັກຊິນນຳໃຊ້ຢ່າງຮີບດ່ວນ ລ້ວນແຕ່ບັນລຸຄວາມຮຽກຮ້ອງຕ້ອງການກ່ຽວກັບປະສິດທິຜົນ, ຄວາມປອດໄພ ແລະ ຄຸນນະພາບໂດຍ WHO ສ້າງຕັ້ງຂຶ້ນ ຜ່ານການປຶກສາຫາລືຢ່າງແໜ້ນແຟ້ນ ກັບບັນດານັກຊ່ຽວຊານສາກົນ. ບັນດາວັກຊິນ ລ້ວນແຕ່ມີປະສິດທິຜົນສູງທີ່ສຸດໃນການສະກັດກັ້ນເລື່ອງຜູ້ຕິດເຊື້ອພະຍາດໂຄວິດ - 19 ເປັນອາການໜັກຕ້ອງເຂົ້າໂຮງໝໍ.