ຫົວໜ້າເຂດປົກຄອງພິເສດຮົງກົງ(ຈີນ)ຮຽກຮ້ອງຜູ້ແຫ່ຂະບວນປະທ້ວງຢຸດຕິການເຄື່ອນໄຫວຄັດຄ້ານ
ຕຳຫຼວດຈັບຕົວຜູ້ແຫ່ຂະບວນປະທ້ວງ
(ພາບ: Reuters)
(vovworld) - ວັນທີ 1/12, ຫົວໜ້າເຂດປົກຄອງບໍລິຮົງກົງ (ຈີນ) ແຫຼງເຈີ້ນແອງ ຮຽກຮ້ອງໃຫ້ຜູ້ແຫ່ຂະບວນປະທ້ວງຢຸດຕິບັນດາການເຄື່ອນໄຫວຄັດຄ້ານ ແລະ ກັບເມືອບ້ານພາຍຫຼັງເກີດການປະທະກັນຢູ່ສຳນັກງານອຳນາດການປົກຄອງເຂດປົກຄອງພິເສດ. ກ່າວຄຳເຫັນຕໍ່ວົງການນັກຂ່າວ, ທ່ານ ແຫຼງເຈີ້ນແອງ ຊີ້ແຈ້ງວ່າ: ຂະບວນການ “ຢືດຄອງສູນກາງ” ແມ່ນຜິດກົດໝາຍ ແລະ ທຸກໆຄວາມມານະພະຍາຍາມຂອງຜູ້ແຫ່ຂະບວນປະທ້ວງຈະແມ່ໄຮ້ຜົນປະໂຫຍດ ແລະ ບໍ່ອາດຮັບຮູ້ໄດ້. ປະຈຸບັນ, ຄຳຮຽກຮ້ອງສະຫຼາຍບັນດາສະຖານທີ່ແຫ່ຂະບວນປະທ້ວງນັບມື້ນັບເພີ່ມຂຶ້ນ ແລະ ຕຳຫຼວດຈະປະຕິບັດກົດໝາຍ. ທ່ານຫົວໜ້າເຂດປົກຄອງພິເສດ ຮົງກົງ ກໍ່ຮຽກຮ້ອງຜູ້ແຫ່ຂະບວນປະທ້ວງ, ພິເສດແມ່ນວົງການນັກສຶກສາ, ບໍ່ຄັດຄ້ານກຳລັງຮັບຜິດຊອບ ແລະ ບໍ່ກັບຄືນສູ່ບັນດາສະຖານທີ່ແຫ່ຂະບວນປະທ້ວງທີ່ໄດ້ເລີກແລ້ວ. ຖະແຫຼງການຂອງທ່ານ ແຫຼງເຈີ້ນແອງ ໄດ້ຍົກອອກມາໃນສະພາບຂາດສະຖຽນລະພາບຢູ່ເຂດ Almiralty, ບ່ອນຕັ້ງສຳນັກງານອຳນາດການປົກຄອງພິເສດ ຮົງກົງ ເພີ່ມຂຶ້ນພາຍຫຼັງຜູ້ແຫ່ຂະບວນປະທ້ວງມ້າງທຳລາຍຮົ້ວຕຳຫຼວດ ແລະ ປິດລ້ອມເສັ້ນທາງໃຫຍ່ຢູ່ນອກເຂດບໍລິຫານດັ່ງກ່າວ. ຕຳຫຼວດຕ້ອງໃຊ້ແກຼດນ້ຳຕາ ແລະ ໄມ້ຄ້ອນເພື່ອສະກັດກັ້ນຜູ້ແຫ່ຂະບວນປະທ້ວງບຸກເຂົ້າບໍລິເວນນີ້.