(vovworld) - ປະຊາຊົນ​ໄທ ສ່ວນ​ຫຼາຍ ​ໄດ້​ຍອມຮັບ​ຕໍ່​ຄຳ​ຕັດສິນ​ຂອງ​ສານ​ລັດຖະທຳ​ມະນູນ ທີ່​ກ່ຽວຂ້ອງ​ເຖິງ​ລັກສະນະ​ນິຕິ​ກຳ​ຂອງ​ຮ່າງ​ລັດຖະທຳ​ມະນູນສະບັບ​ປັບປຸງ. ຕາມ​ໝາກຜົນ​​ແຫ່ງ​ການຢັ່ງ​ຫາງ​ສຽງຂອງ​ສູນ ABAC ທີ່ປະກາດ​ເມື່ອ​ວັນ​ທີ 16/7, ມີ 87% ຈຳນວນ​ຜູ້​ຖືກ​ຖາມ​ເວົ້າ​ວ່າ: ​ເຂົາ​ເຈົ້າ​ພໍໃຈ​ຕໍ່ກັບ​ຄ​ຳຕັດສິນ​ຂອງ​ສານ, ​ໃນ​ຂະນະ​ນັ້ນ​ມີ​ພຽງ 15,3% ບໍ່​ຮັບ​ຮູ້​ຄຳ​ຕັດສິນ​ດັ່ງກ່າວ. ກ່ຽວ​ກັບ​ເລື່ອງ​ປັບປຸງ​ລັດຖະທຳ​ມະນູນ​ຫຼື ບໍ່, ມີ 52,3% ສະໜັບສະໜູນການ​ປັບປຸງ​ບາງ​ຂໍ້​ມາດ​ຕາ, 14,9% ຢາກ​ປັບປຸງ​ທັງ​ໝົດ, ​​ສ່ວນ​ທີ່ຍັງ​ເຫຼືອ​ບໍ່​ຢາກ​ປັບປຸງ. ໝາກຜົນ​​ແຫ່ງ​ການຢັ່ງ​ຫາງ​ສຽງຂອງ​ສູນ Suan Dusit ກໍສະ​ແດງ​ໃຫ້​ເຫັນ​ວ່າ: ປະຊາຊົນ​ສ່ວນ​ຫຼາຍ​ລ້ວນ​ແຕ່​ເຫັນ​ດີ​ເຫັນ​ພ​້ອມກັບ​ຄຳ​ຕັດສິນ​ຂອງ​ສານ, ດ້ວຍ​ປະມານ 81,67% ​ໃນ​ຈຳນວນ​ 1.300 ຄົນ​ຖືກ​ຖາມ ​ໄດ້​ມີ​ຄຳ​ຕອບ​ວ່າ ​ເຂົາ​​ເຈົ້າ​ຮູ້ສຶກອຸ່ນ​ອ່ຽນ​ໃຈ ​ແລະ ​ເຊື່ອ​ໝັ້ນ​ວ່າ​ສະພາບ​ການ​ການ​ເມືອງ​ຈະ​ໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ.

        ​ໃນ​ການ​ສຳ​ຫຼວດ 2 ຄັ້ງ​ນີ້, ມີ​ປະມານ 61% ຜູ້​ຖືກ​ຖາມ​ລ້ວນ​ແຕ່​ຢາກ​ໃຫ້​ລັດຖະບານ​ຂອງ ທ່ານ​ນາງ​ນາຍົກລັດຖະມົນຕີ ຍິງຣັກ ຊິນ​ນະ​ວັດ ມີ​ເວລາ​ຕື່ມອີກ 2 ປີ​ເພື່ອ​ບໍລິຫານ​ປະ​ເທດ​ ຫຼື ໜ້ອຍ​ສຸດກໍ່​ແມ່ນ​ສຳ​ເລັດອາຍຸ​ການ​ນີ້.