(vovworld) – ເລື່ອງສັນຍາເຊີແນວ 1954 ກ່ຽວກັບການຢຸດຕິສົງຄາມຢູ່ ຫວຽດນາມ ທີ່ໄດ້ລົງນາມກ່ອນນີ້ 60 ປີແມ່ນໄຊຊະນະທີ່ສະຫງ່າລາສີຂອງພື້ນຖານການທູດທີ່ໜຸ່ມແໜ້ນຂອງລັດປະຊາທິປະໄຕ ປະຊາຊົນ ທຳອິດຢູ່ອາຊີຕາເວັນອອກສ່ຽງໃຕ້ - ລັດ ສາທາລະນະລັດປະຊາທິປະໄຕ ຫວຽດນາມ. ເພື່ອເຊັນໄດ້ສັນຍາສະບັບນີ້, ຄະນະຜູ້ແທນ ຫວຽດນາມ ໄດ້ຜ່ານການເຈລະຈາມາເປັນເວລາ 75 ວັນ, ດ້ວຍ 31 ວາລະປະຊຸມ ພ້ອມກັບການພົບປະ 2 ຝ່າຍ ແລະ ຫຼາຍຝ່າຍຢູ່ນອກກອງປະຊຸມຫຼາຍຄັ້ງ. ເມື່ອແລກປ່ຽນກັບສື່ມວນຊົນ, ທ່ານ ເຈີ່ນວຽດເຟືອງ, ອະດີດນັກວິຊາການຄະນະຜູ້ແທນລັດຖະບານ ສາທາລະນະລັດປະຊາທິປະໄຕ ຫວຽດນາມ ທີ່ກອງປະຊຸມ ເຊີແນວ, ໄດ້ໃຫ້ຮູ້ກ່ຽວກັບປັດໄຈສຳຄັນທີ່ສຸດເພື່ອພາໄປເຖິງການເຊັນສັນຍາ ເຊີແນວວ່າ:
“ຢາກປົກປັກຮັກສາອະທິປະໄຕ, ສິ່ງສຳຄັນກ່ວາໝູ່ແມ່ນຮັບຮູ້ໄດ້ບັນດາກຳລັງ ແລະ ວິທີລ່ວງລ້ຳອະທິປະໄຕປະເທດພວກເຮົາຂອງເຂົາເຈົ້າໂດຍໄວ. ຫົວໜ້າຄະນະເຈລະຈາຂອງພວກເຮົາເຫັນໄດ້ສິ່ງດັ່ງກ່າວໃນຕະຫຼອດວິວັດການເຈລະຈາ. ດັ່ງນັ້ນ, ໃນຄາວນັ້ນ, ຄະນະປະຕິບັດງານຂອງພວກເຮົາຍາມໃດກໍ່ລະມັດລະວັງ, ສະຫຼາດສະຫຼຽວ, ເດັດດ່ຽວເພື່ອຍາດໄດ້ເອກະລາດ, ອະທິປະໄຕ.”
ສາດສະດາຈານພາສາສາດ Anatoly Sokolov, ຂຶ້ນກັບສະຖາບັນຄົ້ນຄ້ວາຕາເວັນອອກໄກ, ສະຖາບັນດິດວິທະຍາສາດ ລັດເຊຍ, ຕີລາຄາວ່າສັນຍາ ເຊີແນວເຊັນເມື່ອວັນທີ 20/7/1954, ໄດ້ເປີດໄລຍະໃໝ່ໃນການຕໍ່ສູ້ຂອງປະຊາຊົນ ຫວຽດນາມ ເພື່ອເສລິພາບ ແລະ ເອກະພາບປະເທດຊາດ. ທ່ານໃຫ້ຮູ້ວ່າ:
“ຄວາມໝາຍສຳຄັນທີ່ສຸດຂອງກອງປະຊຸມສັນຕິພາບ ເຊີແນວ ແມ່ນໄດ້ປະກອບສ່ວນຢຸດຕິສົງຄາມຢູ່ ອີນດູຈີນ. ທີ່ສອງແມ່ນປະກອບສ່ວນຢັ້ງຢືນກ່ຽວກັບດ້ານນິຕິກຳສາກົນກ່ຽວກັບການຢຸດຕິແອກປົກຄອງຂອງຝຣັ່ງຢູ່ ອີນດູຈີນ ທີສາມແມ່ນຢັ້ງຢືນທີ່ຕັ້ງບົດບາດສະເໝີພາບຂອງ ຫວຽດນາມ ໃນເວທີສາກົນ. ທີສີ່ແມ່ນຊີ້ໃຫ້ເຫັນວ່າ: ສຳລັບບັນດາປະເທດຫົວເມືອງຂຶ້ນ, ເສັ້ນທາງເຈລະຈາສາກົນແມ່ນເສັ້ນທາງດີທີ່ສຸດເພື່ອແກ້ໄຂການປະທະກັນເພື່ອເສລີພາບ, ປະຊາທິປະໄຕ ແລະ ເພື່ອເອກະລາດແຫ່ງຊາດ.”