ທ່ານປະທານາທິບໍດີ ອາເມລິກາ Donald Trump

ອາຣັບບິ ຊາອຸດິ ສືບຕໍ່ຮັບ ບັນດາການຕຳໜິຕິຕຽນຈາກຫາງສຽງສາກົນ ພາຍຫຼັງ ການເສຍຊີວິດຂອງນັກຂ່າວຂອງປະເທດນີ້ທ່ານ Jamal Khashoggi.

        ໃນປະຕິກິລິຍາຫຼ້າສຸດເມື່ອວັນທີ 24 ຕຸລາ, ທ່ານນາງນາຍົກລັດຖະມົນຕີ ອັງກິດ Theresa May ໄດ້ປະກາດຈະຖອນຄືນວີຊາຂອງບັນດາຜູ້ຖືກລະແວງສົງໄສທີ່ກ່ຽວຂ້ອງກັບຄະດີເຂັ່ນຂ້ານັກຂ່າວ Khashoggi, ຢັ້ງຢືນວ່າ ຈະບໍ່ປະໃຫ້ບັນດາເປົ້າໝາຍດັ່ງກ່າວໄປເຖິງປະເທດອັງກິດ. ກ່ອນໜ້ານັ້ນ, ອາເມລິກາ ກໍ່ປະກາດຈະຍົກເລີກວີຊາຂອງເຈົ້າໜ້າທີ່ອາຣັບບິ ຊາອຸດິ ປະມານ 20 ຄົນທີ່ກ່ຽວຂ້ອງເຖິງຄະດີດັ່ງກ່າວ. ໃນຂະນະນັ້ນ, ອົດສະຕາລີ ໄດ້ປະໂອກາດພິຈາລະນະຄຳສັ່ງເກືອດຫ້າມຂາຍອາວຸດໃຫ້ແກ່ ອາຣັບບິ ຊາອຸດິ, ພ້ອມທັງໃຫ້ຮູ້ວ່າ ປະເທດນີ້ບໍ່ໃຫ້ບຸລິມະສິດແກ່ຂໍ້ຕົກລົງດ້ານອຸດສາຫະກຳປ້ອງກັນຊາດ ອາຣັບບິ ຊາອຸດິ ອີກແລ້ວ.

        ກໍ່ກ່ຽວຂ້ອງເຖິງເຫດການດັ່ງກ່າວ, ວັນທີ 24 ຕຸລາ, ທ່ານປະທານາທິບໍດີ ອາເມລິກາ Donald Trump ຖືວ່າ ເຈົ້າຊາຍ ອາຣັບບິ ຊາອຸດິ Mohammed bin Salman ຕ້ອງແມ່ນຜູ້ຮັບຜິດຊອບສຸດທ້າຍຍ້ອນວ່າທ່ານແມ່ນຜູ້ນຳຂອງ ອາຣັບບິ ຊາອຸດິ. ສ່ວນທ່ານນາຍົກລັດຖະມົນຕີ ແອັດສະປາຍ Pedro Sanchez ໃຫ້ຮູ້ວ່າ: ລັດຖະບານຂອງທ່ານຍັງຈະສ້າງບັນດາສັນຍາຄ້າຂາຍອາວຸດກ່ອນນີ້ກັບ ອາຣັບບິ ຊາອຸດິ ໃຫ້ສຳເລັດ, ເຖິງວ່າທ່ານ “ຜິດຫວັງ” ກ່ຽວກັບເຫດການເຂັ່ນຂ້ານັກຂ່າວ Khashoggi ກໍ່ຕາມ.