(vovworld) – ວາລະສານ “ໂລກຫຼາຍຂົ້ວ” ຂອງລັດເຊຍ ໄດ້ຄັດສະເໜີຂໍ້ສັງເກດຂອງບັນດານັກໄຈ້ແຍກ ແລະ ນັກວິຈານ ລັດເຊຍ ກ່ຽວກັບການຢ້ຽມຢາມສະຫະລັດອາເມລິກາ ຂອງທ່ານປະເທດປະເທດ ເຈືອງເຕີນຊາງ ໃນໄລຍະຜ່ານມາ. ຄຳເຫັນສ່ວຍຫຼາຍເຫັນດີເປັນເອກະສັນກັນວ່າ: ການຢ້ຽມຢາມນີ້ມີຜົນສະທ້ອນຢ່າງຕັ້ງໜ້າ ແລະ ມີຄວາມສະດວກໃຫ້ການພັດທະນາການພົວພັນລະຫວ່າງ 2 ປະເທດກໍ່ຄືສົ່ງຜົນກະທົບເຖິງສະພາບການຢູ່ພາກພື້ນອາຊີ - ປາຊີຝີກ. ບົດຂຽນຂອງບັນນາທິການໃຫຍ່ວາລະສານດັ່ງກ່າວຊື້ແຈ້ງ ການຢ້ຽມຢາມອາເມລິກາ ຂອງທ່ານປະທານປະເທດ ເຈືອງເຕີນຊາງ ແມ່ນເຫດການເປັນໜ້າຈົດຈຳ. ໝາກຜົນຂອງການຢ້ຽມຢາມນີ້ໄດ້ຮັບການວິຈານຢ່າງຟົດຟື້ນຈາກບັນດາສຳນັກຂ່າວສານສາກົນ, ກ່ອນອື່ນໝົດ, ຄວາມເອົາໃຈໃສ່ໄດ້ສຸມໃສ່ຄວາມສຳຄັນຂອງບັນດາບັນຫາການເມືອງທີ່ໄດ້ປຶກສາຫາລື ຢູ່ ວໍຊິງຕັນ. ວົງການນັກໄຈ້ແຍກລັດເຊຍ ຖືວ່າ: ທີ່ການພົບປະຄັ້ງຕ່າງໆນີ້, 2 ຝ່າຍໄດ້ສະແດງຄວາມປາດຖະໜາຢາກດຳລົງຊີວິດໃນສັນຕິພາບ ແລະ ພັດທະນາການພົວພັນຮອບດ້ານມຸ້ງໄປເຖິງຜົນປະໂຫຍດລວມຂອງ 2 ປະເທດ ແລະ ຜົນປະໂຫຍດຂອງຊາດ. ຕາມບົດຂຽນແລ້ວ, ມີຫຼາຍປະເທດໃນພາກພື້ນ ອາຊີ - ປາຊີຟີກ ກໍ່ຕີລາຄາຢ່າງຕັ້ງໜ້າການຢ້ຽມຢາມຄັ້ງນີ້ຂອງທ່ານປະທານປະເທດ ເຈືອງເຕີນຊາງ.
ວັນທີ 31/7, ວາລະສານ ອາຊີ - ເອີລົບ ຂອງ ອາເມລິກາ ຢືນຢັນ: ການຢ້ຽມຢາມອາເມລິກາ ຂອງປະທານປະເທດ ຫວຽດນາມ ເຈືອງເຕີນຊາງ ມີຄວາມໝາຍຍຸດທະສາດ ແລະ ໄຂສັງກາດໃໝ່ໃນການພົວພັນລະຫວ່າງ 2 ປະເທດ. ວາລະສານ ອາຊີ - ເອີລົບ ຖືວ່າ: ການຢ້ຽມຢາມຂອງທ່ານປະທານປະເທດ ເຈືອງເຕີນຊາງ ທັງມີຄວາມໝາຍດ້ານປະຫວັດສາດ ແລະ ສັນຍາລັກ. ໃນປະຫວັດສາດ, ນີ້ເປັນຄັ້ງທີ 2 ທີ່ປະທານປະເທດ ຫວຽດນາມ ໄປຢ້ຽມຢາມ ອາເມລິກາ. ກ່ຽວກັບດ້ານສັນຍາລັກ, ການຢ້ຽມຢາມຄັ້ງນີ້ແມ່ນພື້ນຖານການເມືອງ ແລະ ຍຸດທະສາດ, ເປັນຂີດໝາຍກອງປະຊຸມສຸດຍອດຄັ້ງທຳອິດລະຫວ່າງ ຫວຽດນາມ ແລະ ອາເມລິກາ ໃນໄລຍະສຳຄັນ, ເມື່ອບັນດາບັນຫາ ອາຊີ - ປາຊີຟີກ ໄດ້ຮັບຄວາມສົນໃຈເປັນພິເສດ.