ຫາງສຽງສາກົນຮຽກຮ້ອງໃຫ້ຮັກສາສະພາບການໃນປັດຈຸບັນຢູ່ບັນດາເຂດສັກສິດ Jerusalem
(VOVWORLD) -
ໂດຍກ່ຽວຂ້ອງເຖິງເລື່ອງມໍ່ໆມານີ້, ທ່ານລັດຖະມົນຕີກະຊວງປ້ອງກັນຄວາມສະຫງົບອິດສະລາແອັນ Itamar Ben-Gvir ໄປຢ້ຽມຢາມເຂດ ໂບດອິດສະລາມ Al-Aqsa ເຊິ່ງອິດສະລາແອັນ ເອີ້ນວ່າ ພູໂບດ ຢູ່ Jerusalem ເຂດສັກສິດສຳລັບຊາວຢິວ ແລະ ຊາວອິດສະລາມ, ຫາງສຽງສາກົນສືບຕໍ່ມີບັນດາປະຕິກິລິຍາຕໍ່ການກະທຳນີ້.
 ໂບດອິດສະລາມ Al-Aqsa (ພາບ: AFP/TTXVN) |
ກ່າວຄຳເຫັນທີ່ການຖະແຫຼງຂ່າວນັດສາມັນ, ວັນທີ 4 ມັງກອນ, ຢູ່ນິວຢອກ, ທ່ານ Farhan Haq, ຮອງໂຄສົກຂອງທ່ານເລຂາທິການໃຫຍ່ ສປຊໂດຍໃຫ້ຮູ້ວ່າ ທ່ານ Antonio Guterres ຍາມໃດກໍ່ເນັ້ນໜັກເຖິງຄວາມສຳຄັນໃນການຮັກສາສະພາບການປັດຈຸບັນຂອງເຂດສັກສິດຕ່າງໆ. ທ່ານເລຂາທິການໃຫຍ່ ຮຽກຮ້ອງໃຫ້ທຸກຝ່າຍຈົ່ງລະງັບການກະທຳທີ່ອາດຈະເຮັດໃຫ້ຄວາມເຄັ່ງຕຶງ ຢູ່ພາຍໃນ ແລະ ອ້ອມແອ້ມເຂດສັກສິດປີນຂັ້ນໄດ. ແລະກໍ່ໃນວັນທີ 4 ມັງກອນ, ກ່າວຄຳເຫັນທີ່ການຖະແຫຼງຂ່າວນັດສາມັນຂອງລັດຖະບານ ເຢຍລະມັນ, ທ່ານໂຄສົກກະຊວງການຕ່າງປະເທດ ເຢຍລະມັນໃຫ້ຮູ້ວ່າ ແຍກແລງ ມີຄວາມວິຕົກກັງວົນຕໍ່ເລື່ອງບັນດາປະເທດກໍ່ໄພອັນຕະລາຍຕາມລຳພັງຝ່າຍດຽວຕໍ່ສະພາບການໃນປັດຈຸບັນຢູ່ເຂດໂບດອິດສະລາມ Al-Aqsa.
ສ່ວນຝ່າຍອາເມລິກາ, ໃນວັນທີ 4 ມັງກອນ, ຢູ່ການຖະແຫຼງຂ່າວ ທ່ານນາງ Karine Jean-Pierre ໂຄສົກສະພາຄວາມໝັ້ນຄົງແຫ່ງຊາດ ເນັ້ນໜັກວ່າ ອາເມລິກາ ເດັດດ່ຽວຮັກສາສະພາບການປັດຈຸບັນຢູ່ເຂດສັກສິດຢູ່ Jerusalem.