ຫາງສຽງໄທຕີລາຄາສູງຜົນງານ ຂອງນາຍົກລັດຖະມົນຕີ
Tong Son ນັກຂ່າວ VOV ປະຈຳໄທ -
ທ່ານນາງນາຍົກລັດຖະມົນຕີໄທ ຍິ່ງຮັກ ຊີນນະວັດ
(ພາບ:vnexpress.net)
(VOV)- ວັນທີ 26/12, ສູນຄົ້ນຄ້ວາມະຫາວິທະຍາໄລບາງກອກ-ໄທ ໄດ້ປະກາດໝາກຜົນການຢັ່ງຫາງສຽງກ່ຽວກັບບັນດາສ່ວນບຸກຄົນ, ເຫດການ, ອົງການຈັດຕັ້ງມີຜົນງານຫຼາຍກ່ວາໝູ່ຂອງໄທ ໃນປີ 2012. ໜ້າສົນໃຈແມ່ນ, ໃນຈຳນວນ 52% ຄົນຖືກຖາມໄດ້ເລືອກທ່ານນາງນາຍົກລັດຖະມົນຕີໄທ ຍິ່ງຮັກ ຊີນນະວັດ ແມ່ນນັກການເມືອງມີຜົນງານການເຄື່ອນໄຫວຕັ້ງໜ້າກ່ວາໝູ່. ຖັດມາແມ່ນທ່ານປະທານພັກປະຊາທິປະໄຕຝ່າຍຄ້ານອະພິສິດ ໄດ້ຮັບການເລືອກເຟັ້ນຈາກຈຳນວນ 16% ຄົນຖືກຖາມ. ບັນດາອົງການ, ສຳນັກງານ, ບໍລິສັດຂອງໄທມີການເຄື່ອນໄຫວຕັ້ງໜ້າໄດ້ຮັບເລືອກເຟັ້ນຈາກປະຊາຊົນມີ: ກອງທັບ, ກຸ່ມບໍລິສັດຊີມັງໄທ, ຊ່ອງ 3 ໂທລະພາບໄທ, ກຸ່ມບໍລິສັດນ້ຳມັນອາຍແກດໄທ ແລະ ອົງການຕຳຫຼວດແຫ່ງຊາດໄທ.
Tong Son ນັກຂ່າວ VOV ປະຈຳໄທ