ໂຄຣເອເຊຍ ພວມກະກຽມເຊັນຂໍ້ຕົກລົງສອງຝ່າຍກັບ ສະໂລວາເກຍ ກ່ຽວກັບການແບ່ງປັນອາຍແກັດໃນກໍລະນີເກີດວິກິດການໃນການສະໜອງຈາກລັດເຊຍ ແລະ ສະພາວະສຸກເສີນໃນສະຫະພາບເອີລົບ (ອີຢູ). ວັນທີ 30 ກໍລະກົດ, ໜັງສືພິມລາຍວັນ Jutarnji List ຂອງ  ໂຄຣເອເຊຍ ໃຫ້ຮູ້ວ່າ: ບັນດາຂໍ້ຕົກລົງຄ້າຍຄືກັນກັບ ອີຕາລີ, ຮຸງກາຣີ ແລະ ໂອຕຣິດ ກໍ່ພວມເຈລະຈາ, ລວມມີບັນດາບັນຫາກ່ຽວກັບດ້ານເຕັກນິກ, ນິຕິກຳ ແລະ ການເງິນ. ກ່ອນໜ້ານັ້ນ, ທີ່ກອງປະຊຸມດ່ວນບັນດາລັດຖະມົນຕີກະຊວງພະລັງງານ ອີຢູ ຈັດຂຶ້ນໃນວັນທີ 26 ກໍລະກົດ, ລັດຖະມົນຕີກະຊວງພະລັງງານ ສະໂລວາເກຍ ໄດ້ປະກາດວ່າ Ljubljana ຢາກລົງນາມກັບ ໂຄຣເອເຊຍ  ຂໍ້ຕົກລົງມີຜົນສັກສິດກ່ອນທີ່ສິ້ນສຸດລະດູຮ້ອນ ແລະ ຂໍ້ສະເໜີທີ່ຄ້າຍຄືຶກັນກໍ່ໄດ້ສົ່ງເຖິງ ໂອຕຣິດ ແຕ່ປີ 2017, ອີຢູ ໄດ້ມີກົນໄກສາມັກຄີດ້ານພະລັງງານ, ຕາມນັ້ນແລ້ວ, ບັນດາປະເທດສະມາຊິກ ອາດຈະໜູນຊ່ວຍເຊິ່ງກັນ ແລະ ກັນໃນການຮັບປະກັນການສະໜອງອາຍແກັດໃຫ້ແກ່ບັນດາເປົ້າໝາຍບໍລິໂພກໄດ້ຮັບການປົກປ້ອງ (ຄືບັນດາຄອບຄົວ ແລະ ໂຮງໝໍ) ໃນກໍລະນີທີ່ເກີດວິກິດການ. ມາຮອດປະຈຸບັນ, ມີພຽງຂໍ້ຕົກລົງ 6 ສະບັບຕາມກົນໄກນີ້ໄດ້ຮັບການລົງນາມ. ຂໍ້ຕົກລົງທຳອິດໄດ້ຮັບການລົງນາມໃນເດືອນທັນວາ 2020 ລະຫວ່າງ ເຢຍລະມັນ ແລະ ແດນມາກ. ໃນທ້າຍປີ 2021, ເຢຍລະມັນ ແລະ ໂອຕຣິດໄດ້ລົງນາມໃນຂໍ້ຕົກລົງທີ່ຄ້າຍຄືກັນ. ໃນປີ 2022, ມີຂໍ້ຕົກລົງ 4 ສະບັບໄດ້ຮັບການລົງນາມເຊິ່ງລວມມີ: ລະຫວ່າງ Estonia ກັບ Latvia, Litva ກັບ Latvia, Italy ກັບ Slovenia ແລະ ແຟງລັງ ກັບ Estonia.