ທ່ານລັດຖະມົນຕີກະຊວງປ້ອງກັນປະເທດ ອັງກິດ John Healey ແລະ ຄູ່ຕຳແໜ່ງ ເຢຍລະມັນ Boris Pistorius (ພາບ:  Reuters)

ວັນທີ 23 ຕຸລາ, ອັງກິດ ແລະ ເຢຍລະມັນ, ສອງປະເທດທີ່ໃຊ້ຈ່າຍໃຫ້ແກ່ດ້ານປ້ອງກັນຊາດຫຼາຍທີ່ສຸດໃນໂລກ ໄດ້ລົງນາມໃນສັນຍາ Trinity House, ຂໍ້ຕົກລົງກ່ຽວກັບດ້ານປ້ອງກັນຊາດທີ່ໄດ້ຮັບການຕີລາຄາວ່າ “ແມ່ນຂີດໝາຍ” ໃນການຮ່ວມມືດ້ານການທະຫານລະຫວ່າງສອງຝ່າຍ ແລະ ຈະປັບປຸງ “ເສົາຄ້ຳເອີຣົບ” ຂອງ ອົງການສົນທິສັນຍາອັດລັງຕິກເໜືອ (NATO). ສັນຍາ Trinity House ໄດ້ຮັບການລົງນາມລະວຫ່າງທ່ານລັດຖະມົນຕີກະຊວງປ້ອງກັນປະເທດ ອັງກິດ John Healey ແລະ ຄູ່ຕຳແໜ່ງ ເຢຍລະມັນ Boris Pistorius. ນີ້ແມ່ນຂໍ້ຕົກລົງທຳອິດລະຫວ່າງ ອັງກິດ ແລະ ເຢຍລະມັນ ເພື່ອແນໃສ່ນຳການຮ່ວມມືຊົ່ວຄາວຂອງສອງປະເທດໃນເມື່ອກ່ອນນີ້ ຂຶ້ນເປັນການພົວພັນທີ່ມີເປັນປົກກະຕິກວ່າ. ໂຮງງານຜະລິດລູກປືນໃຫຍ່ຈະສ້າງວຽກເຮັດງານທຳໃຫ້ແກ່ຜູ້ອອກແຮງງານກວ່າ 400 ຄົນ, ໃນຂະນະທີ່ ສອງປະເທດຈະພ້ອມກັນປະຕິບັດວຽກງານລວມເພື່ອພັດທະນາອາວຸດບຸກໂຈມຕີທີ່ທັນສະໄໝກວ່າ, ສາມາດຍິງໄປໄກກວ່າ, ມີຄວາມຊັດເຈນກວ່າລະບົບປັດຈຸບັນ, ໃນນັ້ນ ມີລູກສອນໄຟຕິດປີກ Storm Shadow.