ວັນທີ 11 ທັນວາ, ທ່ານ Margaritis Schinas, ໂຄສົກຂອງປະທານຄະນະກຳມະການເອີລົບ (ອີຊີ) ໃຫ້ຮູ້ວ່າ: ຂໍ້ຕົກລົງ Brexit (ນຳປະເທດ ອັງກິດ ຖອນອອກຈາກ ສະຫະພາບ ເອີລົບ ຫຼື ອີຢູ) ໄດ້ບັນລຸໂດຍຊົ່ວຄາວລະຫວ່າງ ອັງກິດ ແລະ ອີຊີ ບໍ່ມີລັກສະນະຜຸກຮັດດ້ານນິຕິກຳ. ແຕ່ເຖິງຢ່າງໃດກໍ່ຕາມ, ທ່ານນາງນາຍົກລັດຖະມົນຕີ ອັງກິດ Theresa May ໄດ້ໃຫ້ຄຳໝັ້ນສັນຍາວ່າ ລັດຖະບານຂອງທ່ານນາງຈະເຄົາລົບ “ຄຳໝັ້ນໝາຍກຽກຕິຄຸນ” ນີ້. ກ່າວຄຳເຫັນຕໍ່ວົງການນັກຂ່າວ, ທ່ານ Schinas ຊີ້ແຈ້ງວ່າ: ພວກຂ້າພະເຈົ້າຖື ເອກະສານຂອງຫົວໜ້າຄະນະເຈລະຈາ ຂອງອີຢູ ກ່ຽວກັບ Brexit, ທ່ານ Michel Barnier ແລະ ທ່ານລັດຖະມົນຕີ Brexit ຂອງອັງກິດ ທ່ານ David Davis ຄືດັ່ງຄຳໝັ້ນໝາຍກຽດຕິຄຸນ ແລະແນ່ນອນວ່າ ຈະໄດ້ຮັບການຮັບຮອງ ແລະ ສະໜັບສະໜູນຈາກລັດຖະບານ ອັງກິດ ຢ່າງສົມບູນ.

        ກ່ອນໜ້ານັ້ນ, ວັນທີ 8 ທັນວາ, ທ່ານປະທານ ອີຊີ Jean – Claude Juncker ປະກາດວ່າ ການເຈລະຈາ Brexit ລະຫວ່າງ ອັງກິດ ແລະ ອີຢູ ບັນລຸໄດ້ບັນດາ “ຄວາມກ້າວໜ້າຄົບຖ້ວນ” ເພື່ອເປີດໄລຍະ 2 ຊຶ່ງປຶກສາຫາລື ກ່ຽວກັບອະນາຄົດຂອງການພົວພັນການຄ້າ ກັບປະເທດ ອັງກິດ.