(vovworld) - ​ໃນ​ການ​ເຮັດ​ວຽກ​ມາ​ປັນ​ເວລາ 2 ວັນ (​ແຕ່​ວັນ​ທີ 13 – 14/01), ບັນດາ​ຜູ້​ແທນ​ໄດ້​ປຶກສາ​ຫາລື ​ແລະ ​ເປັນ​ເອກະ​ພາບ​​ໂຄງການ​ສົມທົບ​ກັນ​ເຄື່ອນ​ໄຫວ​ຂອງ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ໃນ​ປີ 2014 ​ແລະ ​ເຫັນ​ດີ​ຮັບຮອງ​ເອົາ​ມະຕິ​ຂອງ​ກອງ​ປະຊຸມ.

        ກ່າວ​ຄຳ​ເຫັນ​ອັດ​ກອງ​ປະຊຸມ​ໃນ​ຕອນ​ເຊົ້າ​ວັນ​ທີ 14/01, ທ່ານ​ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ຫງວຽນ​ທ້ຽນ​ເຍີນ ​ໃຫ້​ຮູ້​ວ່າ, ​ໃນ​ປີ 2014 ຄະນະກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມຈະ​ສຸມ​ໃສ່​ປ່ຽນ​ໃໝ່​ເນື້ອ​ໃນ ​ແລະ ວິທີ​ການ​ເຄື່ອນ​ໄຫວ, ​ໃນ​ນັ້ນ, ສຸມ​ໃສ່​ປະຕິບັດ​ໜ້າ​ທີ່​ສ່ອງ​ແສງແນວຄິດຈິດໃຈ, ​ຄວາມ​ມຸ່ງ​ມາດ​ປາດ​ຖະໜາ, ຄວາມເຫັນ​ຂອງ​ປະຊາຊົນ​ທີ່ມຕໍ່​ພັກ, ອຳນາດ​ການ​ປົກຄອງ​ທຸກ​ຂັ້ນ​ເປັນ​ຢ່າງ​ດີ; ຜັນ​ຂະຫຍາຍ​ບັນດາ​ມາດ​ຕະການ​​ໃໝ່ ​ເພື່ອ​ເຕົ້າ​ໂຮມ ​ແລະ ​ເສີມ​ຂະຫຍາຍບັນດາ​ຂໍ້​ລິ​ເລີ່​ມຂອງ​ຊາວ​ຫວຽດນາມ​ທັງ​ຢູ່​ພາຍ​ໃນ ​ແລະ ຕ່າງປະ​ເທດ ​ເພື່ອ​ສ້າງ​ສາ ​ແລະ ​ປົກ​ປັກ​ຮັກສາ​ປະ​ເທດ. ຄຽງ​ຂ້າງ​ນັ້ນ, ຄະ​ນະກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ກໍ່​ສຸມ​ໃສ່​ປະຕິບັດ​ໂຄງການ​ຕິດຕາມ​ກວດກາ ​ແລະ  ໄຈ້ແຍກີລາຄາສັງຄົມ, ພິເສດ​ແມ່ນ​ການ​ປະຕິບັດ​ນະ​ໂຍບາຍ​ກົດໝາຍ​ທີ່ມີ​ຕໍ່​ຜູ້​ມີ​ຄຸນງາມຄວາມດີ, ນະ​​ໂຍບາຍ​ປະກັນ​​ສັງຄົມ ​ແລະ ຕິດຕາມ​ກວດ​ກາ​ການ​ຄຸ້ມ​ຄອງ​ນຳ​ໃຊ້ວັດຖຸອຸປະກອນ​ກະສິກຳ.

        “ບົດຮຽນ​ທີ່​ຖອດ​ຖອນ​ມາ​ໄດ້​ພາຍຫຼັງ​ກອງ​ປະຊຸມ ​ແມ່ນ​ຕ້ອງ​ຮັບ​ຟັງ​ປະຊາຊົນ​ເວົ້າ, ຕ້ອງ​ເວົ້າ​ໃຫ້​ປະຊາຊົນ​ຟັງ ​ແລະ ​ເຮັດ​ໃຫ້​ປະຊາຊົນ​ມີ​ຄວາມ​ເຊື່ອ​ໝັ້ນ, ​ເພື່ອ​ຄວາມ​ຜາ​ສຸກ​ຂອງ​ປະຊາຊົນ, ອຳນາດ​ການ​ປົກຄອງ​ໝັ້ນຄົງ ​ເຂັ້ມ​ແຂງ. ມາ​ຮອດ​ປະຈຸ​ບັນ, ​ໂຄງການ​ຕິດຕາມ​ກວດກາ​ການ​ເຄື່ອນ​ໄຫ​ວປີ 2014 ​​ເຫັນ​ໄດ້​ຊັດ 3 ວຽກ​ງານ, ​ໃນ​ນັ້ນ​ມີ​ໂຄງການ​ຕິດຕາມ​ກວດກາ​ຜູ້​ທີ່​ມີ​ຄຸນງາມຄວາມດີ. ນີ​ແມ່ນ​ໂຄງການ​ຕິດຕາມ​ກວດກາ​ໜຶ່ງ​ດ່ຽວ​ລທີ່ມີະດັບ​ຊາດ​ເຊິ່ງຄະນະກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ສົມທົບກັນກັບ​ອຳນາດ​ການ​ປົກຄອງ​ທ້ອງ​ຖິ່ນເພື່ອປະຕິບັດ”.