ພິທີອັດຄ້າຍພັກແລ້ງຫວຽດນາມປີ2015
|
(vovworld)- ພິທີອັດຄ້າຍພັກແລ້ງຫວຽດນາມປີ2015 ດຳເນີນໄປໃນຕອນຄ່ຳວັນທີ 30/7 ຢູ່ຫໍວັດທະນະທຳ ນະຄອນໂຮ່ຈິມີນ. ນະທີ່ນີ້, ບັນດາເພື່ອນຫນຸ່ມຊື່ງແມ່ນຊາວຫວຽດນາມ ອາໄສຢູ່ຕ່າງປະເທດ ໄດ້ພົບປະແລກປ່ຽນກັບຊາວຫນຸ່ມນະຄອນ ໂຮ່ຈິມີນ. ລາຍການດັ່ງກ່າວໂດຍຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ ຕ່າງປະເທດ (ຂຶ້ນກັບກະຊວງການຕ່າງປະເທດ) ຈັດຂຶ້ນ ໂດຍມີການເຂົ້າຮ່ວມຂອງ ຊາວຫນຸ່ມ, ນັກສຶກສາ ກ່ວາ 160 ຄົນ ຊື່ງແມ່ນຊາວຫວຽດນາມ ອາໄສຢູ່ 21 ປະເທດ ແລະ ເຂດແຄ້ວນໃນໂລກ . ຄ້າຍພັກແລ້ງ ຫວຽດນາມ 2015 ດຳເນີນໄປແຕ່ວັນທີ 13-31/7 ດ້ວຍການເຄື່ອນໄຫວຕ່າງໆຈາກພາກເຫນືອຕະຫລອດຮອດພາກໃຕ້ຫວຽດນາມ, ຜ່ານຫລາຍແຂວງ, ນະຄອນໃນທົ່ວປະເທດ. ໃນການເຄື່ອນໄຫວນັ້ນ ບັນດາຊາວຫນຸ່ມຫວຽດນາມ ອາໄສຢູ່ຕ່າງປະເທດ ມີໂອກາດໄປທັດສະນະສຶກສາ, ຊອກຮູ້ກ່ຽວກັບສະຖານທີ່ປະຫວັດສາດ, ວັດທະນະທຳ ແລະ ໄດ້ເຫັນປະຈັກຕາການປ່ຽນແປງຂອງບ້ານເກີດເມືອງນອນຫວຽດນາມ. ເພື່ອນ ຫງວຽນງອກຕຸງ, ຊາວຫວຽດນາມ ອາໄສຢູ່ ການາດາ ແບ່ງປັນວ່າ:
“ພາຍຫລັງເຂົ້າຮ່ວມລາຍການນີ້ ນ້ອງມີຄວາມເຂົ້າໃຈກ່ຽວກັບປະຫວັດສາດ ແລະ ວັດທະນະທຳຫວຽດນາມກວ່າ ຊື່ງກ່ອນນີ້ ນ້ອງພຽງແຕ່ຮູ້ຈັກຜ່ານວິທະຍຸຫລື ອີນເຕີແນັດເທົ່ານັ້ນ. ເມື່ອກັບຄືນເມືອຫວຽດນາມ ນ້ອງຮູ້ສຶກຮັກແພງບ້ານເກີດເມືອງນອນກວ່າ. ນ້ອງມີຄວາມເອກອ້າງທະນົງໃຈແມ່ນຊາວຫວຽດນາມ. ປະເທດຊາດໄດ້ພັດທະນາ ແຕ່ຍັງຄົງຮັກສາມູນເຊື້ອໄວ້ໄດ້.”