(ງານມະໂຫລານ ໄດ້ອັດລົງໃນວັນທີ 11 ເມສາ)

ງານມະໂຫລານ ເດີນກາຕາຍຕື ລະດັບຊາດເທື່ອທີ 3 ແລະ ງານບຸນເຂົ້າໜົມພື້ນເມືອງທາງພາກໃຕ້ ຫວຽດນາມ ເທື່ອທີ 9 - ເກິນເທີ ປີ 2022 ໄດ້ອັດລົງໃນວັນທີ 11 ເມສາ, ຢູ່ນະຄອນ ເກິນເທີ. ໂດຍຈັດຂຶ້ນນັບແຕ່ວັນທີ 06 ເມສາ, ງານມະໂຫລານດັ່ງກ່າວມີການເຂົ້າຮ່ວມຂອງຜູ້ຕາງໜ້າທີ່ມາຈາກ 21 ແຂວງ, ນະຄອນເຂດຕາເວັນອອກພາກໃຕ້, ເຂດຕາເວັນຕົກພາກໃຕ້ ຫວຽດນາມ, ດ້ວຍນັກສິລະປະການ, ນັກຮ້ອງ, ນັກສິລະປິນ 420 ຄົນເຂົ້າຮ່ວມ. ງານບຸນເຂົ້າໜົມພື້ນເມືອງ ມີ 207 ຮ້ານວາງສະແດງ.

        ກ່າວຄຳເຫັນທີ່ພິທີອັດ, ທ່ານ ຫງວຽນທຶກຫ໋ຽນ, ຮອງປະທານຄະນະກຳມະການປະຊາຊົນນະຄອນ ເກິນເທີ, ເນັ້ນໜັກວ່າ:

        “ງານມະໂຫລານ ເດີນກາຕາຍຕື ລະດັບຊາດເທື່ອທີ 3 ແລະ ງານບຸນເຂົ້າໜົມພື້ນເມືອງທາງພາກໃຕ້ ຫວຽດນາມ ເທື່ອທີ 9 ຈັດຂຶ້ນຢູ່ນະຄອນ ເກິນເທີ ທີ່ໄດ້ອັດລົງນັ້ນ ແຕ່ສິລະປະ ເດີນກາຕາຍຕື, ລົດຊາດຂອງເຂົ້າໜົມທີ່ແຊບນົວ ແລະ ນ້ຳໃຈຂອງການພົວພັນແລກປ່ຽນຍັງຝັງເລິກໃນດວງໃຈຂອງແຕ່ລະຄົນ. ຈາກນັ້ນ, ປຸກລຸກຄວາມເອກອ້າງທະນົງໃຈ, ຊຸກຍູ້ການສິດສອນ ແລະ ຖ່າຍທອດໃຫ້ແກ່ລຸ້ນຕໍ່ໆໄປ”.