(vovworld)  - ວັນ​ທີ 04/12, ພາກ​ສ່ວນ​ຄາດ​ຄະ​ເນ, ໄຈ້​ແຍກ ແລະ ​ໃຫ້​ຄຳປຶກ​ສາ​ຄວາມ​ສ່ຽງ (EIU) ສັງ​ກັດ​ກຸ່ມ​ບໍ​ລິ​ສັດ The Economist (ອັງ​ກິດ) ຖື​ວ່າ, ຂະ​ແໜງ​ທ່ອ​ງ​ທ່ຽວ​ພວມ​ນັບ​ມື້​ນັບ​ໄດ້​ຮັບ​ການ​ເສີມ​ຂະ​ຫຍາຍ​​ບົດ​ບາດເປັນ​ເສົ້າ​ຄ້ຳ​, ປະ​ກອບ​ສ່ວນ​ຊຸກຍ​ູ້​ລະ​ດັບ​ເຕ​ີບ​ໂຕ​ດ້ານ​ເສດ​ຖະ​ກິດ​ຂອງ​ຫວຽດ​ນາມ ດ້ວຍ​ແງ່​ຫວັງ​ຕັ້ງ​ໜ້າ​ຫຼາຍ​ຢ່າງ. ກໍ່​ຕາມ EIU ແລ້ວ, ລັດ​ຖະ​ບານ​ຫວຽດ​ນາມ ​ຄວນ​ລົງ​ທຶນ​ເຂົ້າ​ພື້ນ​ຖານ​ໂຄງ​ລ່າງ, ແກ້​ໄຂ​ບັນ​ດາຄວາມ​ວິ​ຕົກ​ກັງ​ວົນ​ກ່ຽວ​ກັບ​ບັນ​ຫາ​ສິ່ງ​ແວ​ດ​ລ້ອມ​ເພື່ອ​ມຸ່ງ​ໄປ​ເຖິງ​ຄາດ​ໝາຍ​ເຕີບ​ໂຕ​ຢ່າງ​ໝັ້ນ​ຄົງ​ ແລະ ຍາວ​ນານ. ຕາມ​ຂໍ້​ມູນຂອງ​ກົມ​ໃຫ​ຍ່​ທ່ອງ​ທ່ຽວ​ຫວຽດ​ນາມ ໃຫ້​ຮູ້​ວ່າ, ຈຳ​ນວນ​ນັກ​ທ່ອງ​ທ່ຽ​ວ​​​ຕ່າງ​ປະ​ເທດ​ມາ​ຢ້ຽມ​ຢາມ​ຫວຽດ​ນາມ ໃນ​ປີ 2016 ​ສືບ​ຕໍ່​ເພີ່ມ​ຂຶ້ນ​ຢ່າງ​ແຮງ. ໃນ 11 ເດືອນ​ຂອງ​ປ​ີ 2016, ໄດ້​ມີ​ນັກ​ທ່ອ​ງ​ທ່ຽວສາ​ກົນກວ່າ 9 ລ້ານ​ເທື່ອ​ຄົນ​​ມາ​ຢ້ຽມ​ຢາມ​ຫວຽດ​ນາມ, ເພີ່ມ​ຂຶ້ນ 25% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ 2015. ບໍ່​ພຽງ​ແຕ່​ສ້າງວຽກ​​ເຮັດ​​ງານທຳ​ຕື່ມ​ອີກ​ເທົ່​ານັ້ນ, ຂະ​ແໜງ​ທ່ອ​ງ​ທ່ຽວ​ຍັງ​ນຳ​ມາ​ເຊິ່ງ​ກາ​ລະ​ໂອ​ກາດ​ສຳ​ຄັນ​ຊ່ວຍ​ຊຸກ​ຍູ້​ການ​ພັດ​ທະ​ນາ​ຂອງ​ຂົງ​ເຂດ​ຂາຍ​ຍ່ອຍ ແລະ ບາງກ​ານ​ບໍ​ລິ​ການ​ລູກ​ຄ້າ​ອື່​ນໆ​ອີກ​ຈຳ​ນວນ​ໜຶ່ງ.