(vovworld) – ກ່າວ​ຄຳ​ເຫັນ​ທີ່​ພິທີ​ອັດ​ປີ​ຫວຽດນາມ ຢູ່​ຝລັ່ງ ຊຶ່ງດຳ​ເນີນ​​ໃນ​ຕອນ​ຄໍ່າ​ວັນ​ທີ 03/11, ຢູ່ສຳນັກງານ​ປົກຄອງ​ປາຣີ, ທ່ານ​ເອກ​ອັກຄະ​ລັດຖະທູດ​ວິສາມັນ ຜູ້​ມີ​ອຳນາດ​ເຕັມ​ແຫ່ງ​ສສ.ຫວຽດນາມ ປະຈຳ​ຝລັ່ງ ​ເຢືອງຈິ໋ຢຸງ ​ເນັ້ນ​ໜັກ​ວ່າ: ປີ 2014​ ​ແມ່ນ​ປີ​ທຳ​ອິດ​ຜັນ​ຂະຫຍາຍ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ເຊິ່ງ​ໄດ້​ຮັບ​ການ​ລົງ​ນາມ​ເມື່ອ​ປີ 2013, ​ເປັນ​ຄັ້ງ​ທຳ​ອິດ​ທີ່​ຫວຽດນາມ ​ໄດ້​ແນະນຳ​ຢູ່​ຝລັ່ງ ບັນດາ​ແງ່​ມູນ​ທີ່​ເປັນ​ຫຼາຍ​ຮູບ​ຫຼາຍ​ແບບ, ຈຸດ​ພິ​ເສດ, ມູນ​ເຊື້ອ… ຕາມ​ທ່ານ​ເອກ​ອັກຄະ​ລັດຖະທູດ ​ເຢືອງຈິ໋ຢຸງ ​ແລ້ວ, ວັດທະນະທຳ​ຂອງ​ຫວຽດນາມ ​ໄດ້​ຮັບ​ການ​ເຊີດ​ຊູ​ຢູ່​ຫຼາຍ​​ແຫ່ງ​ຂອງປະ​ເທດຝລັ່ງ, ຢູ່​ປາຣີ ​ແລະ ນະຄອນ​ໃຫຍ່​ນັບ 10 ​ແຫ່ງ. ຕາມ​ທ່ານ​ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະ​ເທດ ຫວູຮົ່ງນາມ, ປີ​ຫວຽດນາມ ຢູ່​ຝລັ່ງ ບັນລຸ​ຜົນສຳ​ເລັດ, ບໍ​່ພຽງ​ແຕ່​ຍ້ອນ​ມີ​ຂອບ​ຂະໜາດ​ທີ່​ບໍ​ເຄີຍ​ມີ​ມາກ່ອນຂອງ​ເຫດການ​ເທົ່າ​ນັ້ນ, ຫາກ​ຍັງ​ຍ້ອນມະຫາຊົນ​ທີ່ມີ​ຫຼາຍ​ຮູບ​ຫຼາຍ​ແບບ​ອີກ​ດ້ວຍ, ​ໃນ​ນັ້ນ​ມີ​ໄວ​ໜຸ່ມ​ຫຼາຍ​ຄົນ​ແມ່ນ​ບັນດາ​ຜູ້​ທີ່​ໄດ້​​ເພີ່ມ​ພູນ​ຄູນ​ສ້າງ​ໃຫ້​ຄວາມ​ສາມັກຄີ​ລະຫວ່າງ 2 ປະ​ເທ​ດ. ທ່ານ​ລັດຖະມົນຕີ​ຊ່ວຍ​ວ່າການ ຫວູຮົ່ງນາມ ​ໃຫ້​ຮູ້​ວ່າ.

        “ປີ​ຫວຽດນາມ ຢູ່​ຝລັ່ງ ສິ້ນສຸດ​ລົງ​ໄດ້​ສ້າງ​ທ່າ​ແຮງ​ໃໝ່​ໃຫ້​ແກ່​ການ​ພົວພັນ 2 ຝ່າຍ​ລະຫວ່າງ 2 ປະ​ເທດ, ບັນດາ​ເຫດການ​ໃຫຍ່​ພວມ​ໄດ້​ຮັບ​ການ​ກະກຽມ ຄື​ດັ່ງ​ການ​ເຊື່ອມ​ຕໍ່​ບັນດາ​ຜົນສຳ​ເລັດ​ທີ່​ບັນລຸ​ໄດ້. ຂ້າພະ​ເຈົ້າ​ເຊື່ອມ​ໝັ້ນ​ວ່າ, ຊື່ສຽງຂອງ​ປີຫວຽດນາມ ຢູ່​ຝລັ່ງ ຈະ​ສືບ​ຕໍ່​ແຜ່​ລາມ, ​ເພື່ອ​ໃຫ້​ປະຊາຊົນ 2 ປະ​ເທດ​ນັບ​ມື້​ນັບ​ສະໜິດ​ແໜ້ນ ​ແລະ ​ເຂົ້າ​ສູ່​ລວງ​ເລິກ”.