ທ່ານນາງລັດຖະມົນຕີກະຊວງການຕ່າງປະເທດ ອົດສະຕາລີ Julie Bishop (ພາບ: THX/TTXVN.)

ເພື່ອພ້ອມກັບທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເປີດສະຫຼອງຂົວ ກາວແລ້ງ ແລະ ເປັນປະທານຮ່ວມກອງປະຊຸມລັດຖະມົນຕີກະຊວງການຕ່າງປະເທດ ຫວຽດນາມ - ອົດສະຕາລີ. ໃນບົດແຈ້ງຂ່າວ, ທ່ານນາງ Julie Bishop ເນັ້ນໜັກວ່າ: ຂົວ ກາວແລ້ງ ແມ່ນສັນຍາລັກແຫ່ງການພົວພັນເລິກເຊິ່ງລະຫວ່າງ ອົດສະຕາລີ ແລະ ຫວຽດນາມ ຢ່າງຈະແຈ້ງ, ປັດຈຸບັນໄດ້ຍົກລະດັບຂຶ້ນເປັນຄູ່ຮ່ວມມືຍຸດທະສາດແລ້ວ ແລະ ສະແດງໃຫ້ເຫັນຄຳໝັ້ນສັນຍາຂອງ ອົດສະຕາລີ ໃນການກໍ່ສ້າງບັນດາສາຍສຳພັນແໜ້ນແຟ້ນກ່ວາ ໃນທົ່ວພາກພື້ນມະຫາສະໝຸດອິນເດຍ - ປາຊີຟິກ.

        ທ່ານນາງລັດຖະມົນຕີການຕ່າງປະເທດ Julie Bishop ໃຫ້ຮູ້ວ່າ: ປີນີ້ ອົດສະຕາລີ ແລະ ຫວຽດນາມ ສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ. ທ່ານນາງລັດຖະມົນຕີການຕ່າງປະເທດ Julie Bishop ສະແດງຄວາມປາດຖະໜາວ່າ ໃນການຢ້ຽມຢາມ ຫວຽດນາມ ຄັ້ງນີ້ ຈະປຶກສາຫາລືກັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ ກ່ຽວກັບບັນດາມາດຕະການ ເພື່ອໃຫ້ 2 ປະເທດສາມາດເປີດກ້ວາງການຮ່ວມມືກ່ວາອີກ, ພິເສດແມ່ນໃນບັນດາບັນຫາສຳຄັນພາກພື້ນ ທີ່ກ່ຽວຂ້ອງເຖິງສະຖຽນລະພາບ, ຄວາມໝັ້ນຄົງ ແລະ ວັດທະນາຖາວອນ.