ວັນທີ 18 ກັນຍາ, ອົດສະຕາລີ ໃຫ້ຮູ້ວ່າ ປະເທດນີ້ສະແດງຄວາມເສຍດາຍກ່ຽວກັບເລື່ອງ ຝລັ່ງ ຕັດສິນ ຮຽກຕົວເອກອັກຄະລັດຖະທູດ ປະຈຳ Canberra ກັບເມືອປະເທດ ໂດຍກ່ຽວຂ້ອງເຖິງຂໍ້ຕົກລົງຄວາມໝັ້ນຄົງ ລະຫວ່າງ ອົດສະຕາລີ ກັບ ອາເມລິກາ ແລະ ອັງກິດ. ໃນຖະແຫຼງການສະບັບໜຶ່ງ, ໂຄສົກກະຊວງການຕ່າງປະເທດ ອົດສະຕາລີ ໄດ້ຊີ້ແຈ້ງວ່າ ປະເທດນີ້ສະແດງຄວາມເສຍດາຍກ່ຽວກັບເລື່ອງ ຝລັ່ງ ຕັດສິນຮຽກຕົວເອກອັກຄະລັດຖະທູດ ປະຈຳ ອົດສະຕາລີ ກັບເມືອປະເທດ. ອົດສະຕາລີ ຖືການພົວພັນກັບ ຝລັ່ງ ເປັນສຳຄັນ ແລະ ມີຄວາມຫວັງຢາກຮ່ວມມືກັບຝລັ່ງ ໃນຫຼາຍບັນຫາຕ່າງຝ່າຍຕ່າງມີຜົນປະໂຫຍດ ແລະ ອີ່ງໃສ່ບັນດາຄຸນຄ່າລວມ. ກ່ອນໜ້ານັ້ນ, ທຳນຽບຂາວ ສະແດງຄວາມເສຍດາຍກ່ຽວກັບເລື່ອງ ຝລັ່ງ ຮຽກຕົວເອກອັກຄະລັດຖະທູດ ຝລັ່ງ ປະຈຳ ອາເມລິກາ ກັບເມືອປະເທດ ເພື່ອ ປຶກສາຫາລື, ພ້ອມທັງຢັ້ງຢືນ ອາເມລິກາ ຢາກແກ້ໄຂຄວາມເຄັ່ງຕຶງນີ້ຜ່ານຊ່ອງທາງການທູດ. ວໍຊິງຕັນມີຄວາມຫວັງຈະປຶກສາຫາລືກັບ ຝລັ່ງກ່ຽວກັບບັນຫາກໍ່ຄວາມເຄັ່ງຕຶງໃນປັດຈຸບັນ ຢູ່ລະດັບສູງໃນຊຸມວັນຈະມາເຖິງ, ນັບທັງໃນໄລຍະດຳເນີນ ສະມັດຊາໃຫຍ່ ສປຊ ຢູ່ ນິວຢອກໃນອາທິດໜ້າ.