ພິທີລົງນາມໃນໂຄງການ “ລົບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຢູ່ຫວຽດນາມ ໄລຍະ 2021-2025” (ພາບ: UNFPA)

ລັດຖະບານອົດສະຕາລີ ຈະອຸປະຖຳຈຳນວນເງິນ 9,5 ລ້ານໂດລາອົດສະຕາລີ AUD (ປະມານກວ່າ 196 ຕື້ດົ່ງ) ໃຫ້ແກ່ໂຄງການແກ່ຍາວເປັນເວລາ 4 ປີຂອງບັນດາອົງການທີ່ມີໜ້າທີ່ຂອງຫວຽດນາມ ແລະ ບັນດາຄູ່ຮ່ວມມືຂອງສະຫະປະຊາຊາດ, ເພື່ອແນໃສ່ໜູນຊ່ວຍແມ່ຍິງ ແລະ ເດັກທີ່ຖືກໃຊ້ຄວາມຮຸນແຮງ. ທີ່ພິທີສະຫຼຸບໂຄງການ “ໜູນຊ່ວຍບັນດາການແຊກແຊງເພື່ອລົບລ້າງການໃຊ້ຄວາມຮຸນແຮງສຳລັບແມ່ຍິງ ແລະ ເດັກຢູ່ຫວຽດນາມ ໃນສະພາບເກີດໂລກລະບາດໂຄວິດ-19 ຢູ່ຫວຽດນາມ”; ລົງນາມໃນໂຄງການ “ລົບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຢູ່ຫວຽດນາມ ໄລຍະ 2021-2025”, ເຊິ່ງດຳເນີນໃນວັນທີ 24 ພຶດສະພາຢູ່ຫ້ອງການສະຫະປະຊາຊາດປະຈຳຫວຽດນາມ. ຢູ່ທີ່ນີ້, ທ່ານນາງ Robyn Mudie, ເອກອັກຄະລັດຖະທູດ ອົດສະຕາລີ ປະຈຳຫວຽດນາມ ໃຫ້ຮູ້ວ່າ, ໃນເວລາ 4 ປີຈະມາເຖິງ, ໂຄງການຈະເພີ່ມທະວີບັນດາຍຸດທະສາດໃນການປ້ອງກັນ, ສະກັດກັ້ນ, ມານະພະຍາຍາມຮັບມືກັບຫຼາຍຂະແໜງເພື່ອແນໃສ່ຢຸດຕິການໃຊ້ຄວາມຮຸນແຮງສຳລັບແມ່ຍິງ ແລະ ເດັກ; ເພີ່ມທະວີລະບົບຮັບມືກັບການໃຊ້ຄວາມຮຸນແຮງ, ໜູນຊ່ວຍຜູ້ປະສົບເຄາະຮ້າຍຍ້ອນການໃຊ້ຄວາມຮຸນແຮງ.