ລັດຖະມົນຕີການຕ່າງປະເທດ ແລະ ກະຊວງປ້ອງກັນປະເທດ ອົດສະຕາລີ (ພາບ: ABC News)

ໃນຖະແຫຼງການທີ່ໄດ້ຍົກອອກມາໃນຕອນຄ່ຳວັນທີ 9 ມິຖຸນາ, ພາຍຫຼັງການໂອ້ລົມສົນທະນາ 2+2 ທີ່ຖືກຈັດຂຶ້ນຜ່ານທາງອອນລາຍ, ທ່ານລັດຖະມົນຕີການຕ່າງປະເທດ ແລະ ປ້ອງກັນປະເທດ ຂອງ ອົດສະຕາລີ ແລະ ຍີ່ປຸ່ນ ຢັ້ງຢືນຄືນການຄັດຄ້ານຢ່າງແຮງຂອງ ຍີ່ປຸ່ນ ແລະ ອົດສະຕາລີ ສຳລັບບັນດາຄວາມມານະພະຍາຍາມຕາມລຳພັງຝ່າຍດຽວ ເພື່ອແນໃສ່ປ່ຽນແປງສະພາບການຕົວຈິງ”. ອົດສະຕາລີ ແລະ ຍີ່ປຸ່ນ ກໍ “ຄັດຄ້ານຕໍ່ບັນດາຄຳຮຽກທວງສິດ ແລະ ການເຄື່ອນໄຫວຢູ່ທະເລຂອງ ຈີນ ແມ່ນບໍ່ສອດຄ່ອງກັບສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982)”.

        ຖະແຫຼງການດັ່ງກ່າວກໍຮຽກຮ້ອງໃຫ້ທຸກກົດແຫ່ງການປະພຶດຂອງບັນດາຝ່າຍຢູ່ ທະເລຕາເວັນອອກ ຕ້ອງມີຄວາມສະເໝີຕົ້ນສະເໝີປາຍກັບ UNLCOS, ບໍ່ສົ່ງຜົນເສຍຫາຍຕໍ່ອະທິປະໄຕ ແລະ ຜົນປະໂຫຍດອັນຊອບທຳຂອງບັນດາຝ່າຍທີ່ເຂົ້າຮ່ວມກົດແຫ່ງການປະພຶດເຫຼົ່ານັ້ນ ຫຼື ສິດຂອງບັນດາປະເທດຕາມກົດໝາຍສາກົນ. ກົດແຫ່ງການປະພຶດດັ່ງກ່າວ ກໍໄດ້ຮັບຄວາມຫວັງວ່າ ຈະປັບປຸງສະພາບການຢູ່ພາກພື້ນ, ປັບປຸງຄຳໝັ້ນສັນຍາຂອງບັນດາຝ່າຍກ່ຽວກັບການຢຸດຕິການກະທຳ ທີ່ອາດຈະເຮັດໃຫ້ສະພາບການສັບສົນ ຫຼື ເຄັ່ງຕຶງຂຶ້ນຕື່ມ.

ຫວຽດງາ, ນັກຂ່າວ VOV ປະຈຳ ອົດສະຕາລີ.