(vovworld) – ວົງ​ການ​ເຈົ້າໜ້າ​ທີ່ ປາ​ແລດ​ສະຕີ​ນ ​ໃຫ້​ຮູ້​ວ່າ: ວັນ​ທີ 16/9, ບັນດາ​ນັກ​ເຈ​ລະ​ຈາ ອິດສະຣາ​ແອນ ​ແລະ ປາ​ແລດ​ສະຕີ​ນ ​ໄດ້​ຈັດ​ຕັ້ງການ​ເຈລະຈາ​​​ໂດຍສັນຕິວິທີຢູ່ Jerusalem. ຕາມ​ຝ່າຍ ປາ​ແລດ​ສະຕີ​ນ ​ແລ້ວ, ​ການ​ພົບ​ຕ່າງໆລະ​ຫວ່າງ 2 ຝ່າຍສ່ວນ​ຫຼາຍຖືກ​ຈັດ​ຕັ້ງຢ່າງ​ປິດ​ລັບ​ຕາມ​ຂໍ້​ສະ​ເໜີ​ຂອງ ອາ​ເມ​ລິ​ກາ.

        ການ​ເຈລະຈາ ອິດສະຣາ​ແອນ ​ແລະ ປາ​ແລດ​ສະຕີ​ນ ​​ເລີ່​ມດຳ​ເນີນ​ຄືນ​ໃໝ່​​ແຕ່​ວັນ​ທີ 29/7 ຢ່າງ​ເປັນ​ທາງ​ການ ພາຍຫຼັງ​ບັນດາ​ຄວາມ​ມະ​ນາ​ພະຍາຍາມ​ທາງ​ການ​ທູດ​ທີ່​ແກ່ຍາວ​ມາ​ຫຼາຍ​ເດືອນ​ຂອງ​ລັດຖະມົນຕີ​ການ​ຕ່າງ​ປະ​ເທດ ອາ​ເມ​ລິ​ກາ ທ່ານ John Kerry. ຕໍ່​ຈາກ​ນັ້ນ​ມາ​ຮອດ​ປະຈຸ​ບັນ, ຜູ້ຕາງໜ້າ 2 ຝ່າ​ຍ​ໄດ້ດຳ​ເນີນ​ການ​ພົບ​ປະ 3 ຄັ້ງ​ໃນ​ເດືອນ 8 ​ແລະ ຕົ້ນ​ເດືອນ 9 ຢູ່ Jerusalem. ​ເນື້ອ​ໃນ​ລະອຽດ​ຂອງ​ການ​ປຶກສາ​ຫາລື​ບໍ່​ໄດ້ ​ປະກາດ​ຢ່າງ​ກ້ວາງ​ຂວາງ ​ເພື່ອຫຼີກ​ລ້ຽງບໍ່​ໃຫ້​ສົ່ງ​ຜົນ​ສະທ້ອນ​ເຖິງ​ວິວັດທະນາ​ການ​ເຈລະຈາ​ສັນຕິພາບ.