(vovworld) – ກ່າວ​ຄຳ​ເຫັນ​ໄຂ​ກອງ​ປະຊຸ​ມຂອງ​ຄະນະ​ລັດຖະບານ​ເມື່ອ​ວັນ​ທີ 9/6, ທ່ານ​ນາຍົກລັດຖະມົນຕີ ອິດສະຣາ​ແອນ Benjamin Netanyahu ​​ເຕື້ອງ​ຄືນ​ຄຳ​ໝັ້ນ​ສັນຍາ​ຂອງ​ທ່ານ​ກ່ຽວ​ກັບ ລັດ ປາ​ແລດ​ສະຕີ​ນ. ທ່ານ​ນາຍົກລັດຖະມົນຕີ Benjamin Netanyahu ຢືນຢັນ​ວ່າ: ທ່ານ ​ແລະ ທ່ານ​ລັດຖະມົນຕີ​ການ​ຕ່າງປະ​ເທດ ອາ​ເມ​ລິ​ກາ John Kerry ຈະ​ມານະ​ພະຍາຍາມ​ເພື່ອ​ບັນລຸ​ໄດ້​ຄວາມ​ກ້າວ​ໜ້າ​ໃນ​ການ​​ເລີ່​ມ​ຕົ້ນບັນດາ​ການ​ເຈລະຈາ​ຕ່າງໆກັບ​ຝ່າຍ ປາ​ແລດ​ສະຕີ​ນ ຄືນ​ໃໝ່, ດ້ວຍ​ຈຸດໝາຍ​ບັນລຸ​ໄດ້​ຂໍ້​ຕົກລົງ​ສະບັບ​ໜຶ່ງ. ຕາມ​ທ່ານ​ນາຍົກລັດຖະມົນຕີ Benjamin Netanyahu ​ແລ້ວ, ຂໍ້​ຕົກລົງ​ນີ້​ຈະ​ອີງ​ບົນ​ພື້ນຖານ​ລັດ ປາ​ແລດ​ສະຕີ​ນ ປອດ​ການ​ທະຫານ ຮັບ​ຮູ້​ລັດ​ຊາວ​ຢີວ ​ແລະ ບົນ​ພື້ນຖານ​ຮັບປະກັນ​ຄວາມ​ປອດ​ໄພ​ຢ່າງໝັ້ນຄົງ​ໃຫ້​ແກ່ ອິດສະຣາ​ແອນ.