(vovworld) - ວັນທີ 16/7, ເປັນຄັ້ງທຳອິດໃນຮອບເວລາ 5 ປີຜ່ານມາທີ່ ອິດສະຣາແອນອະນຸຍາດໃຫ້ຊາວ ປາແລດສະຕີນ 40 ຄົນ ຈາກເຂດ Gaza ໄປຢ້ຽມຢາມຍາດຕິພີ່ນ້ອງຖືກກັກຂັງໃນຄຸກຫຼາຍແຫ່ງ ຢູ່ ອິດສະຣາແອນ. ການກະທຳນີ້ ໄດ້ຖືກຖືວ່າການປະຕິບັດຂໍ້ຕົກລົງສ່ວນໜຶ່ງທີ່ບັນລຸໄດ້ໃນເດືອນ 5 ເພື່ອແນໃສ່ຢຸດຕິການອົດອາຫານຂອງນັກໂທດປາແລດສະຕີນ 1.600 ຄົນເພື່ອຮຽກຮ້ອງໃຫ້ປັບປຸງເງື່ອນໄຂດຳລົງຊີວິດຢູ່ໃນຄຸກ. ໂຄສົກຂອງຄຸກຮັບຮູ້ວ່າ “ຍາດຕິພີ່ນ້ອງ 40 ຄົນຂອງນັກໂທດ 24 ຄົນໄດ້ມີການຢ້ຽມຢາມໃນໄລຍະສັ້ນເຖິງຄຸກ Romon”, ພ້ອມທັງໃຫ້ຮູ້ຕື່ມອີກວ່າ ບັນດາການຢ້ຽມຢາມນັກໂທດຄືແນວນັ້ນຈະຖືກຈັດຂຶ້ນປະຈຳແຕ່ລະອາທິດໃນໄລຍະຈະມາເຖິງ.