ການບຸກໂຈມຕີຂອງ ອິດສະລາແອັນ ຢູ່ Shihin, ລີບັງ (ພາບ: AFP/TTXVN)

ກ່ອນໜ້ານັ້ນ, ບັນດາເຫດບຸກໂຈມຕີທາງອາກາດ ຂອງເຂົາເຈົ້າທີ່ເລັ່ງໃສ່ນະຄອນ Nabatieh (ລີບັງ) ໃນຄ່ຳຄືນວັນທີ 14 ກຸມພາ ໄດ້ເຮັດໃຫ້ຜູ້ບັນຊາການຂັ້ນສູງໜຶ່ງຄົນຂອງກຳລັງ Radwan ຂອງ Hezbollah ແລະ ຜູ້ຮອງ ເສຍຊີວິດ.

ຕາມອຳນາດການປົກຄອງອິດສະລາແອັນແລ້ວ, ບັນດາເຫດບຸກໂຈມຕີ ດັ່ງກ່າວແມ່ນ ແນໃສ່ໂຕ້ຕອບການບຸກໂຈມຕີໃນວັນທີ 14 ກຸມພາ ໂດຍ Hezbollah ປະຕິບັດດ້ວຍລູກສອນໄຟເລັ່ງໃສ່ນະຄອນ Safed, ຫ່າງຈາກຊາຍແດນ ອິດສະລາແອັນ - ລີບັງປະມານ 15 ກີໂລແມັດ ເຊິ່ງເຮັດໃຫ້ມີ 1 ຄົນເສຍຊີວິດ ແລະ 7 ຄົນໄດ້ຮັບບາດເຈັບ.

ສ່ວນຝ່າຍ ກຳລັງ Hezbollah ໃຫ້ຮູ້ວ່າ ບັນດາເຫດບຸກໂຈມຕີໃນວັນທີ 14 – 15 ກຸມພາຂອງອິດສະລາແອັນ ໄດ້ເຮັດໃຫ້ 10 ຄົນເສຍຊີວິດ, ໃນນັ້ນມີເດັກນ້ອຍ 5 ຄົນ ແລະ ນາຍທະຫານນັກຮົບຈຳນວນໜຶ່ງ. Hezbollah ຖືນີ້ ແມ່ນເຫດບຸກໂຈມຕີນອງເລືອດທີ່ສຸດຕໍ່ສາມັນຊົນ ລີບັງ ພາຍຫຼັງເກີດ ການປະທະກັນຢູ່ເຂດຊາຍແດນ ລະຫວ່າງ ລີບັງ - ອິດສະລາແອັນ ມາເປັນເວລາ 4 ເດືອນ ແລະ ປະກາດວ່າ ຈະມີການກະທຳໂຕ້ຕອບ.