(vovworld) - ວັນ​ທີ 03/12, ທ່ານ​ປະທາ​ນາທິບໍດີ​ອີນ​ເດຍ Pranab Mukherjee ​ໄດ້​ເປີດ​ງານ​ລ້ຽງຕ້ອນຮັບເຈົ້າ​ຈັກກະພັດ ​ແລະ ພະ​ມະ​ເຫ​ສີ Michiko ປະເທດຍີ່​ປຸ່ນ ທີ່​ພວມ​ສະ​ເດັດ​ຢ້ຽມຢາມ​ປະ​ເທດ​ນີ້. ກ່າວຄຳ​ເຫັນ​ຊົມ​ເຊີຍເຈົ້າ​ຈັກກະພັດ ​ແລະ ພະ​ມະ​ເຫ​ສີ ທີ່​ງານ​ລ້ຽງ, ທ່ານ​ປະທານາທິບໍດີ ອີນ​ເດຍ ຢືນຢັນ​ວ່າ, 2 ປະ​ເທດຢືນຢັນ​ວ່າມີ​ວິ​ໄສ​ທັດ​ຮ່ວມຢູ່​ອາຊີ ກ່ຽວ​ກັບ​ການ​ຊຸກຍູ້​ສັນຕິພາບ ​ແລະ ຄວາມ​ໝັ້ນຄົງ​ຢູ່​ທະວີບອາຊີ​ໃໝ່. ຕາມ​ທ່ານປະທາ​ນາທິບໍດີ​ອີນ​ເດຍແລ້ວ, ການ​ພົວພັນ​ຄູ່​ຮ່ວມ​ມື​ລະຫວ່າງ​ອີນ​ເດຍ - ຍີ່ປຸ່ນ ​ໄດ້​ຮັບ​ການ​ກໍ່ສ້າງ​ບົນ​ອີງ​ໃສ່​ພື້ນຖານ​ຂອງ​ບັນດາ​ຄຸນຄ່າ​ປະຊາທິປະ​ໄຕ​ທີ່​ຄ້າຍຄື​ກັນ, ຫຼັກ​ການ​ກົດໝາຍ ​ແລະ ປົກ​ປ້ອງ​ສິດທິ​ມະນຸດ. 2 ປະ​ເທດ​ມີ​ວິ​ໄສ​ທັດ​ຮ່ວມ​ກ່ຽວ​ກັບ​ການ​ຊຸກຍູ້​ສັນຕິ​ພາບ, ຄວາມ​ໝັ້ນຄົງ ​ແລະ ມີ​ຄວາມ​ຫວັງ​ສ້າງ​ອາຊີ​ແຫ່ງ​ໃໝ່ ທີ່​ນຳ​ມາ​ເຊິ່ງກາລະ​ໂອກາດ​ ​ແລະ ​ແງ່​ຫວັງ. ການ​ພົວພັນ​ລະຫວ່າງ​ອີ​ນ​ເດຍ ​ແລະ ຍີ່ປຸ່ນ ​ໃນ​ປະຈຸ​ບັນ ​ໄດ້​ລື່ນ​ກາຍ​ການ​ພົວພັນ 2 ຝ່າຍ​ທຳ​ມະ​ດາ ຍ້ອນ 2 ປະ​ເທດ​ໄດ້​ຮ່ວມ​ສຳພັນ​ກາຍ​ເປັນ​ຄູ່​ຮ່ວມ​ມື​ທົ່ວ​ໂລກ​ຢ່າງ​ແທດ​ຈິງ​ຂອງ​ກັນ ດ້ວຍ​ບັນດາ​ຜົນ​ປະ​ໂຫຍ​ດຍຸດ​ທະ​ສາດ​ລວມ. ສະ​ນັ້ນ, ຍາມ​ໃດ​ອີນ​ເດຍ ກໍ່​ຖື​ເປັນ​ສຳຄັນ​ບັນດາ​ຄຸນ​ຄ່າ ​ແລະ ຕີ​ລາຄາ​ສູງ​ຄວາມ​ສຳຄັນ​ຂອງ​ການ​ພົວພັນ​ທີ່​​ໃກ້ຊິດ​ສະໜິດສະໜົມ​ກັບ​ຍີ່ປຸ່ນ.