ມີ ກ່ຳປັ່ນປ້ອງກັນຝັ່ງທະເລຈີນຫຼາຍສິບລຳ ໄດ້ ນຳໄປປ້ອງກັນຮັກສາບັນດາກ່ຳປັ່ນຫາປາເພື່ອປະຕິບັດການກະທຳຫາປາແບບຜິດກົດໝາຍຢູ່ເຂດທະເລ ຊຶ່ງຈີນໄດ້ປະກາດວ່າ ແມ່ນສ່ວນໜຶ່ງຂອງ ເຂດຫາປາທີ່ມີມາແຕ່ດົນນານ.

        ຕໍ່ໜ້າບັນດາການກະທຳນີ້ຂອງ ຈີນ, ໃນວັນທີ 30 ທັນວາ, ກະຊວງການຕ່າງປະເທດຂອງ ອິນໂດເນເຊຍໄດ້ຮຽກຕົວ ເອກອັກຄະລັດຖະທູດ ຈີນປະຈຳ ຈາກາຕາ ມາແຈ້ງໃຫ້ຊາບກ່ຽວກັບການຄັດຄ້ານສຳລັບການກະທຳລະເມີດເຂດເສດຖະກິດຈຳເພາະຂອງປະເທດນີ້ຢ່າງແຮງ. ກະຊວງການຕ່າງປະເທດຂອງ ອິນໂດເນເຊຍ ໄດ້ຢັ້ງຢືນວ່າ ກ່ຳປັ່ນຫາປາ ແລະ ກ່ຳປັ່ນຕຳຫຼວດທະເລຂອງຈີນໄດ້ລະເມີດເຂົ້າເຂດທະເລ Natuna ເຊິ່ງຂຶ້ນກັບໝູ່ເກາະ Riau ຂອງ ອິນໂດເນເຊຍ ແລະ ມີການກະທຳຫາປາທີ່ຜິດກົດໝາຍ.

        ຕາມກະຊວງການຕ່າງປະເທດອິນໂດເນເຊຍແລ້ວ, ປະເທດນີ້ຍັງບໍ່ທັນມີເວລາໃດຮັບຮອງເອົາ “ເສັ້ນທາງ 9 ຕອນ” ຂອງ ຈີນຍ້ອນວ່າ ມັນຜິດກັບສັນຍາ ສປຊກ່ຽວກັບກົດໝາຍວ່າ ດ້ວຍທະເລ (UNCLOS) ແລະ ຄຳຕັດສິນຂອງສານທີ່ເປັນກຳມະການ ໃນປີ 2016.