ອິນໂດເນເຊຍ: ຄວາມເຫັນດີ 5 ຂໍ້ ຍັງແມ່ນເອກະສານທາບທາມຫຼັກຂອງ ອາຊຽນ ໃນການແກ້ໄຂບັນຫາ ມຽນມາ
(VOVWORLD) - ທ່ານນາງ ລັດຖະມົນຕີການຕ່າງປະເທດ Retno Marsudi ໃຫ້ຮູ້ວ່າ ໃນຖານະເປັນປະເທດ ປະທານອາຊຽນ ປີ 2023, ອິນໂດເນເຊຍ ໄດ້ມອບໃຫ້ລາວ ໂດຍເປັນປະທານອາຊຽນ 2024 ບັນດາຄວາມມານະພະຍາຍາມແກ້ໄຂບັນຫາມຽນມາ.
 ທ່ານນາງ ລັດຖະມົນຕີການຕ່າງປະເທດ ອິນໂດເນເຊຍ Retno Marsudi (ພາບ: TTXVN) |
ວັນທີ 30 ມັງກອນ, ທ່ານນາງ ລັດຖະມົນຕີການຕ່າງປະເທດ ອິນໂດເນເຊຍ Retno Marsudi ໄດ້ສະແດງຄວາມຊົມເຊີຍ ຕໍ່ຄຳໝັ້ນສັນຍາຂອງ ບັນດາສະມາຊິກ ອາຊຽນ ໃນການສືບຕໍ່ຊຸກຍູ້ການປະຕິບັດ ຄວາມເຫັນດີ 5 ຂໍ້ (5PC) ເພື່ອແກ້ໄຂວິກິດການ ມຽນມາ.
ທ່ານລັດຖະມົນຕີການຕ່າງປະເທດ Retno Marsudi ໃຫ້ຮູ້ວ່າ ໃນຖານະເປັນປະເທດ ປະທານອາຊຽນ ປີ 2023, ອິນໂດເນເຊຍ ໄດ້ມອບໃຫ້ລາວ ໂດຍເປັນປະທານອາຊຽນ 2024 ບັນດາຄວາມມານະພະຍາຍາມແກ້ໄຂບັນຫາມຽນມາ. ອິນໂດເນເຊຍ ຫວັງວ່າ ບໍ່ມີຝ່າຍໃດ ມີການກະທຳສະກັດກັ້ນການປະຕິບັດ ຄວາມເຫັນດີ 5 ຂໍ້.
ທ່ານນາງ Retno Marsudi ເນັ້ນໜັກວ່າ ອິນໂດເນເຊຍ ພ້ອມແລ້ວທີ່ຈະສືບຕໍ່ໜູນຊ່ວຍ ມຽນມາ ຢຸດຕິວິກິດການດ້ວຍວິທີການສົມທົບກັບລາວ, ໃນຖານະເປັນປະເທດປະທານອາຊຽນ 2024 ແລະ ມາເລເຊຍ, ປະທານກຸ່ມອາຊຽນ 2025 ຕາມກົນໄກ troika. ບັນດາຝ່າຍຈະປຶກສາຫາລືສົມທົບກັນກ່ຽວກັບການສະໜອງການໜູນຊ່ວຍມະນຸດສະທຳ ແລະ ຊຸກຍູ້ການເຈລະຈາຢ່າງຮອບດ້ານ.
ຢູ່ກອງປະຊຸມວົງແຄບ ຂອງບັນດາລັດຖະມົນຕີການຕ່າງປະເທດ ອາຊຽນ ຢູ່ ຫຼວງພະບາງ ໃນວັນທີ 29 ມັງກອນ, ບັນດາຝ່າຍໄດ້ເຫັນດີເປັນເອກະພາບສະໜັບສະໜູນຂໍ້ລິເລີ່ມຂອງ ໄທໃນການສ້າງແລວມະນຸດສະທຳ ເພື່ອແນໃສ່ສະໜອງການໜູນຊ່ວຍໃຫ້ແກ່ຜູ້ຄົນຕ້ອງອົບພະຍົບ ອອກຈາກປະເທດ ມຽນມາ ຍ້ອນການປະທະກັນ.