ຕອນຄ່ຳວັນທີ 19 ສິງຫາ, ທ່ານຫົວໜ້າກອງບັນຊາການກອງທັບເຮືອ ອິນໂດເນເຊຍ Yudo Margono ແຈ້ງໃຫ້ຊາບວ່າ ຈະຈັດກອງປະຊຸມຜູ້ບັນຊາການກອງທັບເຮືອບັນດາປະເທດ ອາຊຽນ (ANCM) 2022 ໃນວັນທີ 22 ສິງຫາ ຢູ່ Nusa Dua (ບາລີ). ເນື້ອໃນຈຸດສຸມແມ່ນກອງປະຊຸມຈະປຶກສາຫາລືກ່ຽວກັບການດຳເນີນການຊ້ອມຮົບຮ່ວມລະຫວ່າງບັນດາປະເທດ ສະມາຊິກ ອາຊຽນ.

ບາງປະເທດສະມາຊິກ ອາຊຽນ, ລວມມີ ສິງກະໂປ ແລະ ມາເລເຊຍ ເຫັນດີຕໍ່ແຜນການຊ້ອມຮົບຮ່ວມແລ້ວ. ເຖິງຢ່າງໃດກໍຕາມ, ຕ້ອງມີບັນດາປະເທດອື່ນ ໃນອາຊຽນຮັບຮອງເອົາ. ຄາດວ່າ, ບັນດາປະເທດ ອາຊຽນ ກໍຈະດຳເນີນການຊ້ອມຮົບຮ່ວມໃນປີ 2023 ແລະ ບັນດາປະເທດນອກອາຊຽນ ຖ້າຫາກຢາກເຂົ້າຮ່ວມ ຕ້ອງໄດ້ຮັບຄວາມເຫັນດີຈາກບັນດາປະເທດ ສະມາຊິກ ອາຊຽນ.