ສະໜາມບິນສາກົນ Bali, ອິນໂດເນເຊຍ

 ນະໂຍບາຍຍົກເວັ້ນວິຊາເຂົ້າເມືອງມີກຳນົດເວລາເຖິງ 30 ວັນສຳລັບພົນລະເມືອງ ອາຊຽນ ເຂົ້າເມືອງ ອິນໂດເນເຊຍ ດ້ວຍຈຸດປະສົງໄປທ່ອງທ່ຽວ ທີ່ໄດ້ກຳນົດມາແຕ່ເດືອນກໍລະກົດ 2006, ແຕ່ຖືກຢຸດສະງັກນັບແຕ່ປີ 2020, ເມືຶ່ອພະຍາດໂຄວິດ - 19 ແຜ່ລະບາດ. ວັນທີ 4 ເມສາ, ພາຍຫຼັງກອງປະຊຸມລັດຖະບານຢູ່ ຈາກາກຕາ, ທ່ານ Airlangga Hartarto ລັດຖະມົນຕີປະສານງານເສດຖະກິດ ອິນໂດເນເຊຍ ໃຫ້ຮູ້ວ່າ ນອກຈາກການປະຕິບັດນະໂຍບາຍຍົກເວັ້ນວິຊາເຂົ້າເມືອງຄືນໃໝ່ ແລ້ວ, ອິນໂດເນເຊຍ ສືບຕໍ່ຜ່ອນຜັນຂໍ້ກຳນົດຕ່າງໆສຳລັບແຂກທ່ອງທ່ຽວສາກົນເມື່ອເຂົ້າເມືອງ. ຕາມນັ້ນແລ້ວ, ແຂກທ່ອງທ່ຽວຕ່າງປະເທດ ຈະບໍ່ຕ້ອງກວດ PCR ເມື່ອໄປຮອດ ອິນໂດເນເຊຍ, ຖ້າຫາກວ່າ ໄດ້ມີໃບຢັ້ງຢືນການສັກວັກຊິນກັນພະຍາດໂຄວິດ - 19 ແລະ ມີຜົນກວດ PCR ເປັນລົບກັບໂລກລະບາດໂຄວິດ - 19 ກ່ອນມື້ເຂົ້າເມືອງ ອິນໂດເນເຊຍ 2 ວັນ.

ນັກຂ່າວ VOV ປະຈຳ ອິນໂດເນເຊຍ