ອິນໂດເນເຊຍ ໂຈະການເລືອກຕັ້ງລະດັບເຂດຢ່າງເປັນທາງການ ຍ້ອນໂລກລະບາດໂຄວິດ - 19
(VOVWORLD) -ທ່ານປະທານາທິບໍດີ ອິນໂດເນເຊຍ Joko Widodo ໄດ້ລົງນາມໃນລັດຖະດໍາລັດວ່າດ້ວຍການໂຈະການເລືອກຕັ້ງລະດັບເຂດ ເຊິ່ງຄາດວ່າຈະດໍາເນີນໃນເດືອນກັນຍາ ຈະມາເຖິງ ຍ້ອນໂລກລະບາດໂຄວິດ - 19.
|
ທ່ານປະທານາທິບໍດີ ອິນໂດເນເຊຍ Joko Widodo ລົງກວດກາວຽກງານປ້ອງກັນ ແລະ ສະກັດກັ້ນໂລກລະບາດ (ພາບ: TTXVN)
|
ຕາມລັດຖະດໍາລັດທີ່ໄດ້ເຊັນປະກາດໃຊ້ໃນວັນທີ 04 ພຶຶດສະພາ, ການເລືອກຕັ້ງດັ່ງກ່າວ ຈະໄດ້ເລືອນໄປໃສ່ເດືອນ ທັນວາ ຈະມາເຖິງ ແລະ ຈະສືບຕໍ່ໄດ້ໂຈະໄວ້ຕື່ມອີກ ຖ້າຫາກວ່າຮອດຈຸດເວລານັ້ນ ໂລກລະບາດຍັງບໍ່ສິ້ນສຸດລົງເທື່ອ. ຖ້າຫາກໄດ້ດໍາເນີນໄປຕາມແຜນການເບື້ອງຕົ້ນ, ນີ້ຈະແມ່ນການເລືອກຕັ້ງຂັ້ນທ້ອງຖິ່ນໃຫຍ່ທີ່ສຸດໃນປະຫວັດສາດ ອິນໂດເນເຊຍ ເມື່ອໄດ້ຈັດຂຶ້ນພ້ອມກັນຢູ່ 270 ແຫ່ງໃນທົ່ວປະເທດ.