ອີຢູ ຊຸກຍູ້ຂັ້ນຕອນການຮັບເອົາ ບຸນກາຣີ, ກຣົວຊີ ແລະ ໂຣມາເນຍ ເຂົ້າເປັນສະມາຊິກເຂດ Schengen
(VOVWORLD) -ວັນທີ 16 ພະຈິກ, ຄະນະກຳມະການ ເອີຣົບ (EC) ຮຽກຮ້ອງໃຫ້ເອົາ ບຸນກາຣີ, ກຣົວຊີ ແລະ ໂຣມາເນຍ ເຂົ້າປັນສະມາຊິກເຂດຍົກເວັ້ນວີຊາ Schengen (ເຊິ່ງປັດຈຸບັນມີ 26 ປະເທດສະມາຊິກແລ້ວ, ນັບແຕ່ ອຽກລັງ ໄດ້ຮອດ ເກຼັກ), ເພື່ອແນໃສ່ສ້າງເງື່ອນໄຂສະດວກໃຫ້ແກ່ການໄປມາລະຫວ່າງບັນດາປະເທດເຫຼົ່ານີ້ ແລະ ບັນດາປະເທດ ເອີຣົບເກືອບທັງໝົດ.
 (ພາບປະກອບ: Best Citizenships) |
ບຸນກາຣີ ແລະ ໂຣມາເນຍ ໄດ້ປະຕິບັດສຳເລັດຂັ້ນຕອນການຕີລາຄາຂໍເຂົ້າເປັນສະມາຊິກຂອງເຂດ Schengen ໃນປີ 2011 ແຕ່ສະພາເອີຣົບ ຍັງທ່ວງເວລາການອອກຂໍ້ຕົກລົງຮັບເອົາເປັນສະມາຊິກໃນຕະຫຼອດໄລຍະ 11 ປີກວ່າ.
ໃນຂະນະນັ້ນ, ກຣົວຊີ ໄດ້ຮັບການຮັບຮອງຈາກສະພາ ວ່າ ມີເງື່ອນໄຂຢ່າງຄົບຖ້ວນເພື່ອເຂົ້າເປັນສະມາຊິກເຂດ Schengen ໃນເດືອນ ທັນວາ 2021.
ຄາດວ່າ ລັດຖະບານບັນດາປະເທດສະມາຊິກ ອີຢູ ຈະບ່ອນບັດກ່ຽວກັບການຮັບເອົາ 3 ປະເທດດັ່ງກ່າວເຂົ້າເປັນສະມາຊິກຂອງເຂດ Schengen ໃນກອງປະຊຸມຂັ້ນລັດຖະມົນຕີບັນດາປະເທດ ເຊິ່ງຈະຈັດຂຶ້ນໃນວັນທີ 08 ທັນວາ ຈະມາເຖິງ.