ທ່ານປະທານາທິບໍດີ ຝະຣັ່ງ Emmanuel Marcon ພາບ: REUTERS

ຜູ້ຕາງໜ້າຂັ້ນສູງຮັບຜິດຊອບນະໂຍບາຍພົວພັນຕ່າງປະເທດຂອງສະຫະພາບ ເອີຣົບ (ອີຢູ) ທ່ານນາງ Federica Mogherini ຢືນຢັນວ່າ: ບໍ່ຕ້ອງເຈລະຈາຄືນໃໝ່ບັນດາມາດຕາໃນຂໍ້ຕົກລົງນິວເຄຼຍ ທີ່ລົງນາມໃນປີ 2015 ລະຫວ່າງ ອີຣານ ແລະ ກຸ່ມ P5+1 (ລວມມີ: ອັງກິດ, ຝະຣັ່ງ, ລັດເຊຍ, ຈີນ, ອາເມລິກາ ແລະ ເຢຍລະມັນ). ປັດຈຸບັນ, ຂໍ້ຕົກລົງດັ່ງກ່າວ ພວມໄດ້ຮັບການປະຕິບັດຈາກບັນດາຝ່າຍທີ່ກ່ຽວຂ້ອງ. ໃນຂະນະນັ້ນ, ອີຣານ ແລະ ການນຳບາງສະມາຊິກໃນກຸ່ມ P5+1 ຢືນຢັນວ່າ: ຂໍ້ຕົກລົງດັ່ງກ່າວ ຍັງຄົງດີທີ່ສຸດ ເພື່ອແນໃສ່ສະກັດກັ້ນ ເຕເຮຣານ ພັດທະນາລະເບີດນິວເຄຼຍ. ທ່ານປະທານາທິບໍດີ ຝະຣັ່ງ Emmanuel Marcon ກ່າວຄຳເຫັນຢູ່ນອກວາລະປະຊຸມຄັ້ງທີ 72 ຂອງກອງປະຊຸມສະມັດຊາໃຫຍ່ ສປຊ ຢືນຢັນວ່າ: ປາຣີ ສະໜັບສະໜູນຂໍ້ຕົກລົງດັ່ງກ່າວ. ກ່ອນໜ້ານັ້ນ, ກ່າວຄຳເຫັນຕໍ່ບັນດາການນຳສາກົນຢູ່ກອງປະຊຸມສະມັດຊາໃຫຍ່ ສປຊ, ທ່ານປະທານາທິບໍດີ ອີຣານ Hassan Rouhani ປະຕິເສດການເຈລະຈາຂໍ້ຕົກລົງດັ່ງກ່າວຄືນໃໝ່.