ອີຢູ ຮັບຮອງເອົາແຜນການດຳເນີນງານກ່ຽວກັບຊາວອົບພະຍົບ
(ພາບປະກອບ)
(vovworld) - ວັນທີ 03/02, ການນຳບັນດາປະເທດສະຫະພາບ ເອີລົບ (ອີຢູ) ໄດ້ເຫັນດີເປັນເອກະພາບຕໍ່ແຜນການດຳເນີນງານ ເພື່ອແນໃສ່ສະກັດກັ້ນຊາວອົບພະຍົບຈາກ ລີບີ ເຂົ້າ ເອີລົບ ຜ່ານທະເລ ເມດີແຕຣາເນ. ແຜນການໄດ້ຮັບການຮັບຮອງເອົາໃນຂອບເຂດກອງປະຊຸມສຸດຍອດ ອີຢູ ທີ່ດຳເນີນໄປຢູ່ປະເທດເກາະ Malta, ຕາມນັ້ນແລ້ວ ໄດ້ເນັ້ນໜັກເຖິງບັນດາບຸລິມະສິດລວມມີ: ການບຳລຸງສ້າງ, ອຸປະກອບ ແລະ ການໜູນຊ່ວຍໃຫ້ບັນດາກຳລັງປ້ອງກັນຝັ່ງທະເລຂອງ ລີບີ. ພ້ອມທັງ ທຳລາຍການຄ້າມະນຸດ, ໜູນຊ່ວຍການພັດທະນາບັນດາປະຊາຄົມທ້ອງຖິ່ນຢູ່ ລີບີ, ເພີ່ມທະວີຄວາມສາມາດຕອບສະໜອງເງື່ອນໄຂດຳລົງຊີວິດໃຫ້ແກ່ຊາວອົບພະຍົບຢູ່ ລີບີ ແລະ ໜູນຊ່ວຍບັນດາອົງການຈັດຕັ້ງສາກົນຮັບຜິດຊອບກ່ຽວກັບຊາວອົບພະຍົບ. ອີຢູ ຈະເພີ່ມທະວີໜູນຊ່ວຍການເງິນໃຫ້ແຜນການ ໂດຍຜ່ານບັນດາບ້ວງທຶນຊ່ວຍເຫຼືອພັດທະນາ (ODA) ທີ່ສະຫງວນໃຫ້ທະວີບອາຟຣິກາ ທີ່ມີມູນຄ່າ 31 ຕື້ ເອໂຣ ໃນປີນີ້ ກໍ່ຄືໂຄງການຕ່າງໆທີ່ພວມໄດ້ຮັບການຜັນຂະຫຍາຍ.