ວັນທີ 25 ກຸມພາ, ກ່າວຄໍາເຫັນຕໍ່ວົງການສື່ມວນຊົນ, ທ່ານນາງ Maja Kocijanic, ໂຄສົກຂອງທ່ານ Federica Mogherini ຜູ້ຕາງໜ້າຂັ້ນສູງຮັບຜິດຊອບນະໂຍບາຍປ້ອງກັນຄວາມສະຫງົບ ແລະ ການພົວພັນຕ່າງປະເທດຂອງ ອີຢູ ໄດ້ເນັ້ນໜັກເຖິງ ບົດບາດສໍາຄັນຂອງມາດຕະການດ້ານການເມືອງສັນຕິພາບ ແລະ ປະຊາທິປະໄຕຂອງ ເວເນຊູເອລາ ເອງ ສໍາລັບວິກິດການໃນປັດຈຸຸບັນ. ຕາມທ່ານນາງ Maja Kocijanic ແລ້ວ, ເປັນທີ່ຈະແຈ້ງແລ້ວວ່າ ສິ່ງດັ່ງກ່າວບໍ່ລວມທັງເລື່ອງນໍາໃຊ້ ກໍາລັງອາວຸດ. ອີຢູ ໄດ້ເຫັນດີທັດສະນະດັ່ງກ່າວໃນກອງປະຊຸມຂັ້ນລັດຖະມົນຕີການຕ່າງປະເທດ ຢູ່ ບຣຸກແຊນ ໃນອາທິດກ່ອນນີ້.

        ຄໍາຖະແຫຼງດັ່ງກ່າວ ຖືກຍົກອອກໃນສະພາບການທີ່ ທ່ານ Juan Guaido ການນໍາຝ່າຍຄ້ານ ພວມມີໜ້າຢູ່ ນະຄອນຫຼວງ Bogota ຂອງ ໂກລົມໂບ ເພື່ອແນໃສ່ດໍາເນີນການເຈລະຈາກັບບັນດາພັນທະມິດໃນກຸ່ມ Lima (ເຊິ່ງລວມມີ 13 ປະເທດ ອາເມລິກາ ລາຕີນ ແລະ ການາດາ) ກ່ຽວກັບບັນດາມາດຕະການເພື່ອເຮັດໃຫ້ທ່ານປະທານາທິບໍດີ Nicolas Maduro ຕ້ອງ ລາອອກຈາກຕໍາແໜ່ງ.