ທ່ານປະທານ ອີຊີ Ursula von der Leyen (ພາບ: EPA)

        ສະຫະພາບເອີລົບ (ອີຢູ) ໃຫ້ຄຳໝັ້ນສັນຍາປະຕິບັດຂໍ້ຕົກລົງ Brexit (ອັງກິດ ຖອນອອກຈາກ ອີຢູ), ໂດຍສະເພາະແມ່ນບັນຫາ ອຽກລັງເໜືອ. ວັນທີ 25 ຕຸລາ, ບັນດາການນຳ ອີຢູ ໄດ້ຍົກອອກຄຳໝັ້ນສັນຍາດັ່ງກ່າວ ເມື່ອສະແດງຄວາມຍິນດີຕໍ່ທ່ານ Rishi Sunak ເປັນນາຍົກລັດຖະມົນຕີ ອັງກິດ ຄົນໃໝ່ຢ່າງເປັນທາງການ.

        ທ່ານປະທານ ອີຊີ Ursula von der Leyen ຢືນຢັນວ່າ, ອີຢູ ຫວັງຢາກສ້າງການພົວພັນກັບ ອັງກິດ ຢ່າງໝັ້ນຄົງເຂັ້ມແຂງກວ່າ, ຜ່ານນັ້ນແມ່ນເຄົາລົບປະຕິບັດຂໍ້ຕົກລົງ Brexit ໂດຍສົມບູນ.

        ໃນຂະນະນັ້ນ, ທ່ານຮອງປະທານຄະນະກຳມະການ ເອີລົບ (ອີຊີ) Marcos Segcovic ຢືນຢັນວ່າ ການພົວພັນລະຫວ່າງ ອີຢູ - ອັງກິດ ມີຄວາມສຳຄັນທາງດ້ານຍຸດທະສາດ, ພ້ອມທັງ ໃຫ້ຄຳໝັ້ນສັນຍາວ່າ ຈະມານະພະຍາຍາມຢ່າງມີລັກສະນະສ້າງສັນ ເພື່ອຊຸກຍູ້ການພົວພັນຄູ່ຮ່ວມມືລະຫວ່າງ 2 ຝ່າຍ ແລະ ປະຕິບັດບັນດາຂໍ້ຕົກລົງຢ່າງຄົບຖ້ວນ, ໃນນັ້ນມີອະນຸສັນຍາ ອຽກລັງເໜືອ.

        ສ່ວນທ່ານນາຍົກລັດຖະມົນຕີ ອຽກລັງ Micheal Martin ກໍ່ຮຽກຮ້ອງໃຫ້ຄູ່ຕຳແໜ່ງ ອັງກິດ Rishi Sunak ສົມທົບກັບ ອີຢູ ໂດຍໄວ ເພື່ອຊອກຫາມາດຕະການແກ້ໄຂລວມໃຫ້ແກ່ບັນດາບັນຫາກ່ຽວຂ້ອງເຖິງອະນຸສັນຍາ ອຽກລັງເໜືອ.