ເຖິງຢ່າງໃດກໍ່ຕາມ, ພາຍຫຼັງດຳເນີນການເຈລະຈາທີ່ເຄັ່ງຕຶງນັບທັງຮອບຄົບຄະນະ ແລະ ໃນບັນດາກຸ່ມນ້ອຍ ເປັນເວລາ 12 ຊົ່ວໂມງ, ບັນດາການນຳຂອງ 27 ປະເທດສະມາຊິກບໍ່ບັນລຸໄດ້ຄວາມເຫັນດີກ່ຽວກັບແຜນການໃຫ້ແກ່ບ້ວງເງິນດັ່ງກ່າວ. ເສຍເຫດສ່ວນໜຶ່ງແມ່ນຍ້ອນທ່ານນາຍົກລັດຖະມົນຕີ ໂອຕາລິດ Sebastian Kurz ໄດ້ຄັດຄ້ານຂໍ້ສະເໜີໃນປະຈຸບັນກ່ຽວກັບບ້ວງເງິນໜູນຊ່ວຍເສດຖະກິດ, ໃນຂະນະທີ່ທ່ານນາຍົກລັດຖະມົນຕີໂຮນລັງ Mark Rutte ໄດ້ປະຕິເສດຖອນຄຳຮຽກຮ້ອງກ່ຽວກັບເລື່ອງຕ້ອງຄວບຄຸມການຮັດກຸມລາຍຈ່າຍສຳລັບບັນດາປະເທດຄື ແອັດສະປາຍ ແລະ ອີຕາລີ.

        ກ່າວຄຳເຫັນພາຍຫຼັງກອງປະຊຸມ, ທ່ານນາຍົກລັດຖະມົນຕີ ສ.ເຊັກໂກ Andrej Babis ຢັ້ງຢືນວ່າ, ລະຫວ່າງການນຳບັນດາປະເທດສະມາຊິກອີຢູ ຍັງມີທັດສະນະແຕກຕ່າງກັນຫຼາຍ ແລະ ປະຈຸບັນບໍ່ບັນລຸໄດ້ຄວາມເຫັນດີເຫັນພ້ອມໃດໆກ່ຽວກັບ ບ້ວງເງິນດັ່ງກ່າວ. ທ່ານນາງນາຍົກລັດຖະມົນຕີເຢຍລະມັນ Angela Merkel ກໍ່ຍອມຮັບວ່າ ຄວາມແຕກຕ່າງລະຫວ່າງບັນດາຝ່າຍແມ່ນ “ໃຫຍ່ຫຼວງທີ່ສຸດ”.