ອີຢິບ ຮັບຮອງເອົາ ລັດຖະທຳມະນູນສະບັບໃໝ່
Dinh Cuong, ນັກຂ່າວ VOV ປະຈຳ ອີຢິບ -
ຜູ້ມີສິດເລືອກຕັ້ງ 64% ເຫັນດີ ແລະ ມີພຽງ 36% ບໍ່ເຫັນດີກັບຮ່າງລັດຖະທຳມະນູນ
(ພາບ: ອີນເຕີເນັດ)
(vovworld) - ຕອນຄຳ່ວັນທີ 25/12, ຄະນະກຳມະການເລືອກຕັ້ງຍຸຕິທຳສູງສຸດ ອີຢິບ ໄດ້ປະກາດໝາກຜົນສຸດທ້າຍຂອງການລົງປະຊາມະຕິ ກ່ຽວກັບລັດຖະທຳມະນູນສະບັບໃໝ່ ຢ່າງເປັນທາງການ ທີ່ໄດ້ຈັດຕັ້ງໃນວັນທີ 15 ແລະ 22/12 ຜ່ານມາ. ຕາມນັ້ນແລ້ວ, ຜູ້ມີສິດເລືອກຕັ້ງເຂົ້າຮ່ວມການປ່ອນບັດມີພຽງ 17 ລ້ານກ່ວາຄົນ/ 51 ລ້ານຄົນ, ກວມອັດຕາສ່ວນ 32%. ຜູ້ມີສິດເລືອກຕັ້ງກ່ວາ 10 ລ້ານຄົນເຫັນດີກັບຮ່າງລັດຖະທຳມະນູນ, ບັນລຸເກືອບ 64% ແລະ ມີພຽງ 36% ບໍ່ເຫັນດີ. ຖະແຫຼງການກໍໄດ້ຊີ້ແຈ້ງວ່າ ຄະນະກຳມະການນີ້ ໄດ້ຮັບ ແລະ ພິຈາລະນາສຳເນົາເອກະສານຮ້ອງຟ້ອງນັບສິບສະບັບຂອງບັນດາບຸກຄົນ, ອົງການຈັດຕັ້ງທີ່ໄດ້ ກ່າວຫາກ່ຽວກັບບັນດາການລະເມີດໃນການລົງປະຊາມະຕິທີ່ຜ່ານມາ. ແຕ່ວ່າວິວັດການປ່ອນບັດຖືກດຳເນີນໄປຖືກຕາມກຳນົດເວລາ, ພາຍໃຕ້ການຕິດຕາມກວດກາຢ່າງໃກ້ຊິດຂອງບັນດາຜູ້ພິພາກສາ, ກໍຄືຜູ້ຕາງໜ້າອົງການສື່ມວນຊົນຕ່າງໆຢູ່ ອີຢິບ. ດັ່ງນັ້ນ, ດ້ວຍໝາກຜົນສຸດທ້າຍທີ່ໄດ້ຮັບການປະກາດ, ລັດຖະທຳມະນູນສະບັບໃໝ່ທີ່ກໍການຖົກຖຽງກັນຂອງ ອີຢິບ ໄດ້ຮັບການຮັບຮອງເອົາຢ່າງເປັນທາງການ.
Dinh Cuong, ນັກຂ່າວ VOV ປະຈຳ ອີຢິບ