ທ່ານປະທານາທິບໍດີ ອີຢິບ El – Sisi ພົບປະກັບທ່ານລັດຖະມົນຕີການຕ່າງປະເທດ ລັດເຊຍ Sergey Lavrov  (ພາບ: AP)

ນະທີ່ນີ້, ທ່ານປະທານາທິບໍດີ ອີຢິບ ໄດ້ຢ້ຳຄືນຄວາມສຳຄັນຂອງການໃຫ້ບຸລິມະສິດຕໍ່ການເຈລະຈາ ແລະ ບັນດາມາດຕະການທາງການທູດ ເພື່ອແກ້ໄຂການປະທະກັນຂອງ ຢູແກຼນ, ພ້ອມທັງສະແດງຄວາມສະໜັບສະໜູນຂອງ Cairo ສຳລັບທຸກຄວາມມານະພະຍາຍາມ ແນໃສ່ຍູ້ແຮງຄວາມຄືບໜ້າແກ້ໄຂວິກິດການນີ້.

        ໃນການພົບປະ, ທ່ານລັດຖະມົນຕີການຕ່າງປະເທດ Lavrov ໄດ້ລາຍງານໂດຍຫຍໍ້ໃຫ້ທ່ານປະທານາທິບໍດີ ອີຢິບ ຮັບຊາບກ່ຽວກັບການຜັນແປຕ່າງໆເຊິ່ງເກີດຂຶ້ນຫວ່າງມໍ່ໆມານີ້ຂອງວິກິດການຢູ່ ຢູແກຼນ ແລະ ບັນດາບາດກ້າວຫຼ້າສຸດຂອງ ລັດເຊຍ ຢູ່ໃນລະດັບສາກົນ ເພື່ອແກ້ໄຂບັນຫານີ້. ນອກຈາກນັ້ນ, ສອງຝ່າຍກໍໄດ້ປຶກສາຫາລືເຖິງຫຼາຍບັນຫາໃນຂອບເຂດການຮ່ວມມືສອງຝ່າຍລະຫວ່າງ ອີຢິບ ແລະ ລັດເຊຍ, ພິເສດ ແມ່ນໃນຂົງເຂດສະໜອງທັນຍາຫານ ແລະ ສະບຽງອາຫານ, ນ້ຳມັນອາຍແກັດ. ໃນການພົບປະ ກໍໄດ້ເຕື້ອງເຖິງບັນດາມາດຕະການຊຸກຍູ້ການພົວພັນຄູ່ຮ່ວມມືຍຸດທະສາດສອງຝ່າຍ ຜ່ານໂຄງການພັດທະນາລວມ ທີ່ພວມດຳເນີນ.