ການພົວປະເມື່ອເດືອນ ມິຖຸນາ (ພາບປະກອບ: AFP/TTXVN)

ໃນຄຳຖະແຫຼງເຊິ່ງປະກາດໃນສື່ສັງຄົມ Twitter ພາຍຫຼັງການໂອ້ລົມທາງໂທລະສັບໃນວັນທີ 06 ກໍລະກົດ ກັບທ່ານ Josep Borrell, ຜູ້ຕາງໜ້າຂັ້ນສູງຮັບຜິດຊອບຄວາມໝັ້ນຄົງ ແລະ ພົວພັນຕ່າງປະເທດຂອງສະຫະພາບ ເອີລົບ (ອີຢູ) ທ່ານລັດຖະມົນຕີການຕ່າງປະເທດ ອີຣານ Hossein Amir Abdollahian ຮຽກຮ້ອງໃຫ້ ອາເມລິກາ ເລືອກເອົາລະຫວ່າງການເດີນຕາມຂໍ້ຕົກລົງດ້ານນິວເຄຼຍ ຫຼື ສືບຕໍ່ຮັກສາບັນດາຄວາມຮຽກຮ້ອງພຽງລຳພັງຝ່າຍດຽວຂອງຕົນ.

        ກໍ່ກ່ຽວຂ້ອງເຖິງບັນຫານີ້, ໃນວັນດຽວກັນ, ກ່າວຄຳເຫັນທີ່ການຖະແຫຼງຂ່າວຮ່ວມຢູ່ນະຄອນ ເຕເຮຣານ ກັບທ່ານລັດຖະມົນຕີການຕ່າງປະເທດ ກາຕາ Mohammed bin Abdulrahman Al Thani ທີ່ພວມຢ້ຽມຢາມ ອີຣານ, ທ່ານລັດຖະມົນຕີການຕ່າງປະເທດ Amir Abdollahian ເນັ້ນໜັກວ່າ ປະເທດນີ້ຢັ້ງຢືນຊອກຫາຂໍ້ຕົກລົງນິວເຄຼຍທີ່ແນ່ນອນ ແລະ ຍາວນານກັບບັນດາປະເທດມະຫາອຳນາດໃນໂລກ ແລະ ບໍ່ຫົວຊາຕໍ່ຖະແຫຼງການຂອງ ອາເມລິກາ, ເຕເຮຣານ ບໍ່ຍົກອອກຄຳຮຽກຮ້ອງໃດນອກຈາກຂໍ້ຕົກລົງດັ່ງກ່າວ. ທ່ານກໍ່ເນັ້ນໜັກວ່າ, ອາເມລິກາ ຄວນຮັບປະກັນວ່າ ອີຣານ ຈະໄດ້ຮັບຜົນປະໂຫຍດຢ່າງຄົບຖ້ວນຈາກຂໍ້ຕົກລົງທີ່ໄດ້ຟື້ນຟູເມື່ອປີ 2015. ມາຮອດປະຈຸບັນ, ຝ່າຍ ອາເມລິກາ ຍັງບໍ່ທັນຍົກອອກການຮັບປະກັນຄືແນວນັ້ນໄດ້ເທື່ອ.