(vovworld) – ວັນ​ທີ 18/6, ລັດຖະມົນຕີ​ການ​ຕ່າງປະ​ເທດ ລັດ​ເຊຍ ທ່ານ Sergey Lavrov ​ສະ​ແດງ​ຄວາມ​​ເຊື່ອ​ໝັ້ນ​ວ່າ ອີຣານ ພ້ອມ​​ແລ້ວ​ທີ່​ຈະຕົກລົງ​​ຢຸດຕິ​ການ​ເສີມ​ທາດ​ຢູຣານຽມ​ໃນ​ລະດັບ 20% ຖ້າ​ຫາກ​ມີ​ບັນດາ​ມາດ​ຕະການ​ເໝາະ​ສົມ​ຈາກ​ກຸ່ມ P5+1 (​ເຊິ່ງລວມມີ 5 ປະ​ເທດ​ປະຈຳ​ສະພາ​ຄວາມ​ໝັ້ນຄົງສະຫະ​ປະຊາ​ຊາດ ​ແລະ ​ເຢຍລະ​ມັນ). ທ່ານ Lavrov ​ໃຫ້​ຮູ້​ວ່າ: ຝ່າຍ  ອີ​ຮານ ພ້ອມ​​ແລ້ວ​ທີ່​ຈະ​ຕົກລົງ​ຢຸດ​ຕິ​ການ​ເສີມ​ທາດຢູຣານຽມ​ໃນ​ລະດັບ 20%  ​ແລະ ນີ້​ອາດ​ຈະ​ແມ່ນ​ຂໍ້ຕົກລົງທີ່​ມີ​ລັກສະນະ​ບຸກທະລຸ, ​ເຮັດ​ໃຫ້​ຄວາມ​ເຄັ່ງ​ຕຶງ​ຂອງ​ບັນດາ​ບັນຫາ​ທີ່​ຍັງ​ຄົງ​ຄ້າງ​ຫລຸດ​ຜ່ອນ​ພໍ​ສົມຄວນ. ທ່າ​ນຮຽກຮ້ອງ​ບໍ່​ຄວນກໍ່​ຄວາມ​ກົດ​ດັນ​​ໃຫ້​ແກ່ ອີຣານ ຫາກ​ຕ້ອງມຸ້ງ​ໄປ​ເຖິງ​ບັນດາ​ມາດ​ຕະການ​ຫລຸດຜ່ອນ​ການ​ລົງ​ໂທດ.