ອີຣານ ຈັບຕົວຜູ້ຖືກສົງໄສ 32 ຄົນ ພາຍຫຼັງເຫດກໍ່ການຮ້າຍ
(VOVWORLD) - ກຳລັງຄວາມໝັ້ນຄົງປະເທດນີ້ ໄດ້ຈັບຜູ້ຖືກສົງໄສ 32 ຄົນ ທີ່ສົງໄສວ່າມີຄວາມກ່ຽວຂ້ອງເຖິງການກໍ່ການຮ້າຍຢ່າງນອງເລືອດ ທີ່ເກີດຂຶ້ນໃນວັນທີ 3 ມັງກອນ ຢູ່ແຂວງ Kerman ເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບ 360 ກວ່າຄົນ.
 ການລະເບີດເກີດຂຶ້ນໃນວັນທີ 3 ມັງກອນ ຢູ່ ນະຄອນ Kerman, ອີຣານ (ພາບ: AA/TTXVN) |
ວັນທີ 7 ມັງກອນ, ສື່ມວນຊົນ ອີຣານ ໃຫ້ຮູ້ວ່າ ກຳລັງຄວາມໝັ້ນຄົງປະເທດນີ້ ໄດ້ຈັບຜູ້ຖືກສົງໄສ 32 ຄົນ ທີ່ສົງໄສວ່າມີຄວາມກ່ຽວຂ້ອງເຖິງການກໍ່ການຮ້າຍຢ່າງນອງເລືອດ ທີ່ເກີດຂຶ້ນໃນວັນທີ 3 ມັງກອນ ຢູ່ແຂວງ Kerman ເຮັດໃຫ້ມີຜູ້ເສຍຊີວິດ ແລະ ໄດ້ຮັບບາດເຈັບ 360 ກວ່າຄົນ. ການຈັບຕົວຜູ້ຖືກສົງໄສດຳເນີນຢູ່ແຂວງ Kerman ຕາມຄຳສັ່ງຂອງຫົວໜ້າໄອຍະການຂອງແຂວງນີ້. ເຖິງຢ່າງໃດກໍຕາມ, ແຫຼ່ງຂ່າວດັ່ງກ່າວກໍ່ບໍ່ເຜີຍໃຫ້ຮູ້ຊື່ ກໍຄື ສັນຊາດຂອງບຸກຄົນດັ່ງກ່າວ, ຮູ້ພຽງແຕ່ວ່າ ບຸກຄົນເຫຼົ່ານັ້ນ ພວມຖືກໄຕ່ສວນຮັບໃຊ້ວຽກງານການສືບສວນ.
ເຫດບຸກໂຈມຕີຢູ່ ອີຣານ ໄດ້ເຮັດໃຫ້ສະພາບຄວາມໝັ້ນຄົງລວມຢູ່ພາກພື້ນຕາເວັນອອກກາງ ສັບສົນຂຶ້ນຕື່ມ ໃນຂະນະທີ່ສະພາບການປະທະກັນຢູ່ເຂດ ກາຊາ ຍັງບໍ່ທັນມີສັນຍາສິ້ນສຸດລົງໃນໄວໆນີ້ເທື່ອ.
ນັກຂ່າວ VOV ປະຈຳ ອີຢິບ