ອີຣານ ຈະບໍ່ປະຕິບັດຕາມບັນດາຂໍ້ຈຳກັດໃນການເສີມທາດ ຢູລານຽມ ໃນ JCPOA
(VOVWORLD) -ວັນທີ 5 ມັງກອນ, ອີຣານ ໄດ້ປະກາດວ່າ ຈະສືບຕໍ່ຫຼຸດຜ່ອນບັນດາຄຳໝັ້ນສັນຍາສຳລັບຂໍ້ຕົກລົງນິວເຄຼຍ ເຊິ່ງໄດ້ລົງນາມເມື່ອປີ 2015 ກັບກຸ່ມ P5+1 (ລວມມີ 5 ປະເທດກຳມະການປະຈຳການຂອງສະພາຄວາມໝັ້ນຄົງ ສປຊ ແລະ ເຢຍລະມັນ), ຫຼືຍັງໄດ້ເອີ້ນວ່າ ແຜນການເຄື່ອນໄຫວຮ່ວມຢ່າງຮອບດ້ານ (JCPOA), ແຕ່ຍັງຄົງສືບຕໍ່ຮ່ວມມືກັບ ອົງການພະລັງງານປະລະມານູສາກົນ (IAEA).
 ໂຮງງານເສີມທາດປະລະມານູຂອງອີຣານ (ພາບ: IRNA/TTXVN) |
ສະຖານີໂທລະພາບແຫ່ງລັດ ອີຣານ ໄດ້ຄັດສະເໜີຄຳເວົ້າຂອງໂຄສົກລັດຖະບານວ່າ ປະເທດນີ້ິ້ຈະບໍ່ປະຕິບັດຕາມບໍ່ວ່າຂໍ້ກຳນົດໃດໆທີ່ໄດ້ວາງອອກໃນຂໍ້ຕົກລົງນິວເຄຼຍກ່ຽວກັບຈຳນວນ ຈັກພົ້ນສູນເສີມທາດ ຢູລານຽມ. ເຖິງຢ່າງໃດກໍ່ຕາມ, ບັນດາບາດກ້າວຂອງ ອີຣານອາດຈະປ່ຽນແປງ ຖ້າຫາກວ່າ ອາເມລິກາ ຍົກເລິກບັນດາມາດຕະການລົງໂທດທີ່ແນໃສ່ ອີຣານ.
ແລະກໍ່ໃນວັນດຽວກັນ, ທ່ານປະທານາທິບໍດີ ອາເມລິກາ Donald Trump ໄດ້ກ່າວເຕືອນກ່ຽວກັບໂຕ້ຕອບທາງການທະຫານຢ່າງແຮງກັບ ອີຣານ ຖ້າຫາກວ່າ ເຕເຮຣານ ປະຕິບັດການບຸກໂຈມຕີໂຕ້ຕອບເລັ່ງໃສ່ ວໍຊິງຕັນ.