ການນຳ ອີຣານ ແລະ ຊີຣີ ພົບປະໃນວັນທີ 8/5/2022 (ພາບ: AFP/TTXVN)

ຫວ່າງແລ້ວນີ້, ທ່ານນາງ Bouthaina Shaaban, ທີ່ປຶກສາບັນດາບັນຫາການສື່ສານຂອງປະທານາທິບໍດີ ຊີຣີ ມີການພົບປະກັນທ່ານລັດຖະມົນຕີການຕ່າງປະເທດ ອີຣານ Hossein Amir Abdollahian, ຢູ່ນະຄອນຫຼວງ ເຕເຮຣານ ຂອງ ອີຣານ.

        ທີ່ການພົບປະ, ສອງຝ່າຍເນັ້ນໜັກເຖິງຄວາມສຳຄັນຂອງເປົ້າໝາຍເປີດກ້ວາງການພົວພັນຍຸດທະສາດລະຫວ່າງ ເຕເຮຣານ ແລະ ດາມາເກີດ. ທ່ານ Amir Abdollahian ແລະ ທ່ານນາງ Bouthaina Shaaban ລ້ວນແຕ່ຢາກຢັ້ງຢືນການພົວພັນລະຫວ່າງ ອີຣານ ກັບ ຊີຣີ ແມ່ນການພົວພັນຍຸດທະສາດບົນພື້ນຖານເຄົາລົບ ແລະ ສະໜັບສະໜູນເຊິ່ງກັນ ແລະ ກັນ. ທ່ານນາງ Bouthaina Shaaban ຊົມເຊີຍຄວາມກ້າວໜ້າຂອງ ອີຣານ ໃນບັນດາບັນຫາມອບສິດໃຫ້ແກ່ແມ່ຍິງ.

        ສ່ວນທ່ານ Amir Abdollahian ໄດ້ພັນລະນາເຖິງ ການພົວພັນລະຫວ່າງສອງປະເທດແມ່ນການພົວພັນຍຸດທະສາດ ແລະ ຢູ່ຫຼາຍຂົງເຂດ. ທ່ານ Amir Abdollahian ໃຫ້ຮູ້ວ່າ: ການພົວພັນນີ້ສືບຕໍ່ບັນລຸໄດ້ຄວາມຄືບໜ້າໃນບັນດາຂົງເຂດກໍ່ຍ້ອນມີຄວາມຕັດສິນໃຈຂອງອຳນາດການປົກຄອງຂັ້ນສູງສອງປະເທດ.