ນັກເຕັກນິກຢູຮາກຖານນິວເຄຼຍ Isfahan (ພາບ: AFP/TTXVN)

 ວັນທີ 12 ມິຖຸນາ, ອີຣານ ປະກາດສືບຕໍ່ເຈລະຈາທາງອ້ອມກັບ ອາເມລິກາ ຜ່ານປະເທດເປັນກາງ Oman ກ່ຽວກັບຂໍ້ຕົກລົງນິວເຄຼຍປີ 2015 ແລະ ການແລກປ່ຽນຊະເລີຍເສິກລະຫວ່າງສອງປະເທດ. ກ່າວຄຳເຫັນທີ່ການຖະແຫຼງຂ່າວຢູ່ ເຕເຮຣານ, ທ່ານ Nasser Kanani, ໂຄສົກກະຊວງການຕ່າງປະເທດ ອີຣານ ໄດ້ຊີ້ແຈ້ງວ່າ: ເຕເຮຣານ ຊົມເຊີຍບັນດາຄວາມມານະພະຍາຍາມຂອງເຈົ້າໜ້າທີ່ Oman, ພ້ອມທັງໃຫ້ຮູ້ວ່າ ໄດ້ສົ່ງສານເຖິງຝ່າຍ ອາເມລິກາ ທີ່ກ່ຽວຂ້ອງເຖິງການຍົກເລີກຄຳສັ່ງລົງໂທດຜ່ານປະເທດເປັນກາງໄກ່ເກ່ຍນີ້. ໂຄສົກທ່ານນີ້ໄດ້ຢັ້ງຢືນວ່າ ຝ່າຍ ອີຣານ ຍາມໃດກໍ່ຮັບປະກັນການຮັກສາການໂອ້ລົມເຈລະຈາທີ່ “ກະຈ່າງແຈ້ງ”. ຄຽງຄູ່ກັບບັນຫາເຊື່ອມຕໍ່ຂໍ້ຕົກລົງນິວເຄຼຍ ແລ້ວ, ທ່ານໂຄສົກ Kanani ໃຫ້ຮູ້ວ່າ: ເຕເຮຣານ ແລະ ວໍຊິງຕັນ ອາດຈະເປັນເອກະພາບເລື່ອງແລກປ່ຽນຊະເລີຍເສິກໂດຍໄວ.