(vovworld) – ວັນ​ທີ 14/10, ທ່ານ​ປະທານ​​ກຳມາທິ​ການ​ປ້ອງ​ກັນ​ຄວາມ​ສະຫງົບ ​ແລະ ນະ​ໂຍບາຍ​ການ​ຕ່າງປະ​ເທດ​ຂອງ​ສະພາ​ແຫ່ງ​ຊາດອ​ີຣານ Alaedin Boroujerdi ຢືນຢັນ​ວ່າ, ການ​ສົມທົບ​ກັນ 4 ຝ່າຍ​ລະຫວ່າງ​ອີ​ຣານ - ອີຣັກ - ລັດ​ເຊຍ - ຊີຣີ ​ແມ່ນ​ບາດກ້າວ​ສຳຄັນ​ໃນ​ການ​ຕໍ່ສູ້​ຕ້ານ​ລັດ​ທິກໍ່​ການ​ຮ້າຍ. ທ່ານ Boroujerdi ຍົກອອກ​ຂໍ້​ສັງ​ເກດ​ດັ່ງກ່າວ​ທີ່​ການ​ພົບ​ປະ​ກັບ​ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຊີຣີ Walid al Moallem ​ເນື່ອງ​ໃນ​ໂອກາດ​ການ​ຢ້ຽມຢາມ Damascus. 2 ຝ່າຍ​ລ້ວນ​ແຕ່​ຖື​ວ່າ, ສຳພັນທະ​ມິດ​ຕ້ານ​ກໍ່​ການຮ້າຍ ​ໂດ​ຍອາ​ເມ​ລິ​ກາ​ ນຳ​ໜ້າ​ບໍ່​ບັນລ​ຸ​ໄດ້​ໝາກຜົນ​ຫຼາຍ​ຢ່າງ, ພາຍຫຼັງ​ບຸກ​ໂຈມ​ຕີ​ທາງ​ອາກາດ​ເປັນ​ເວລາ 1 ປີ, ສະ​ນັ້ນ, ສຳພັດ​ທະ​ມິດ​ໃໝ່ ​ແລະ ​​ຖັນ​​ແຖວ​ໃໝ່​ໄດ້​ເລີ່​ມ​ເຮັດ​ວຽກ​ຢ່າງ​ເຂ​ັ້ມງວດ. ​ເຈົ້າ​ໜ້າ​ທີ່​ຄົນດັ່ງກ່າວ​ໃຫ້​ຮູ້​ວ່າ, ສະພາບ​ການ​ຢູ່​ຊີຣີ ພວມ​ດີ​ຂຶ້ນ, ຍ້ອນ​ຄວາມ​ຢືດໝັ້ນ​ຂອງ​ປະຊາຊົນ​ຊີຣີ ​ແລະ ສຳພັນທະ​ມິດ​ຕ້ານ​ກໍ່ການ​ຮ້າຍ​ໂດຍ​ລັດ​ເຊ​ຍ ນຳ​ໜ້າ. ທ່ານ​ເນັ້ນ​ໜັກ​ວ່າ​, ອີຣານ ​ຈະ​ສືບ​ຕໍ່​ໜູນ​ຊ່ວຍ​ຊີ​ຣີ ກ່ຽວ​ກັບ​ດ້ານ​ເສດຖະກິດ ​ແລະ ການທະຫານ.