ອີຣານເລີ່ມຕິດຕັ້ງ ບັນດາເຄື່ອງຈັກພົ້ນສູນ ທີ່ທັນສະໄໝ
 (
(ພາບປະກອບ)
|
Vovworld- ວັນທີ 22/2, BBC ໄດ້ຄັດແຫຼ່່ງຂ່າວຈາກບົດລາຍງານຂອງອົງການພະລັງງານປະລະມານູສາກົນ IAEA ຊຶ່ງໃຫ້ຮູ້ວ່າ ອີຣານໄດ້ເລີ່ມຕິດຕັ້ງເຄື່ອງຈັກພົ້ນສູນຫຼາຍເຄື່ອງທີ່ທັນສະໄໝຢູ່ຮາກຖານເສີມທາດ Urani ທີ່ສຳຄັນຂອງປະເທດນີ້. ການກະທຳນີ້ອາດຈະຖືກຖືວ່າ ຈະເຮັດໃຫ້ບັນດາປະເທດມະຫາອຳນາດເກີດມີຄວາມໂກດແຄ້ນໃນຈຸດເວລາກ່ອນທີ່ດຳເນີນຮອບເຈລະຈາກັບ ເຕເຣຣານ ຊຶ່ງຄາດວ່າຈະໄດ້ຮັບການເຊື່ອມຕໍ່ຄືນໃໝ່ໃນອາທິດໜ້າ. ຕາມນັ້ນແລ້ວ, ມີ ເຄື່ອງຈັກພົ້ນສູນ IR- 2m ໄດ້ຮັບການຕິດຕັ້ງ ຢູ່ໂຮງງານມໍ່ກັບນະຄອນ Natanz ທາງພາກກາງອີຣານ. ຖ້າຫາກການເຄື່ອນໄຫວຂອງເຄື່ອງຈັກຮັບຜົນສຳເລັດ, ບັນດາ ເຄື່ອງຈັກພົ້ນສູນນີ້ ສາມາດຊ່ວຍໃຫ້ອີຣານຍູ້ໄວການຜະລິດເຊື້ອໄຟ ຊຶ່ງຝ່າຍຕາເວັນຕົກມີຄວາມວິຕົກກັງວົນວ່າ ຈະຖືກນຳໃຊ້ເພື່ອຜະລິດອາວຸດນິວເຄຼຍ. ແລະ ກໍຕາມບົດລາຍງານຂອງ ອົງການພະລັງງານປະລະມານູສາກົນ IAEA ແລ້ວ, ອີຣານໄດ້ເພີ່ມປະລິມານສະສົມທາດ Urani ຊຶ່ງຖືກເສີມໃນລະດັບ 20% ຂຶ້ນເປັນ 167 ກິໂລກາມ.